ހިންމަފުށީ ކައުންސިލް މެމްބަރަކު ކަރަންޓުގައި ޖެހި ފަރުވާއަށް މާލެ ގެނެސްފި
ކ ހިންމަފުށީ ކައުންސިލް އިދާރާގެ މެމްބަރަކު ކަރަންޓުގައި ޖެހުމުގެ ސަބަބުން އިތުރު ފަރުވާ އަށް މާލެ ގެނެސްފި އެވެ.
ހިންމަފުށި ކައުންސިލު މެންބަރަކު 'ދެން' އަށް މައުލޫމާތު ދިން މީހަކު ބުނީ ކަރަންޓުގައި ޖެހިފައިވަނީ ހިންމަފުށި ކައުންސިލްގެ އަންހެން މެމްބަރު ވަފިއްޔާ އިބްރާހިމް ކަމަށެވެ. އޭނާ ބުނިގޮތުގައި ވަފިއްޔާ ކަރަންޓުގައި ޖެހުނީ މިއަދު އިރު އޮއްސި 6 ހާއިރު އެވެ.
މައުލޫމާތު ދިން މީހާ ބުނި ގޮތުގައި ވަފިއްޔާ ކަރަންޓުގައި ޖެހުނީ މުޅި ރަށުގައި ފެންބޮޑުވެފައިވާތީ ފެން ހިންދާ، ކަރަންޓު ސާމާނު ރައްކާތެރިކޮށް ބެހެއްޓުމަށް ކުރަމުންދިޔަ މަސައްކަތުގެ ތެރެއިން ކައުންސިލް އިދާރާގެ ކަރަންޓު އެއްޗެހި ނިއްވާލަން އުޅެނިކޮށް ކަމަށެވެ.
އެ ހާދިސާއާ ގުޅޭ އިތުރު މައުލޫމާތު ވަނީ ލިބޭގޮތް ނުވެފަ އެވެ.
ރާއްޖެއަށް މިހާރު ކުރަމުންދާ ވިއްސާރައިގެ ސަބަބުން ރާއްޖޭގެ އެކި ހިސާބުތަކަށް ބޯކޮށް ވާރޭވެހި ވަނީ ފެންބޮޑުވެފަ އެވެ. އެ ސަރަހައްދުތަކުން ފެން ހިންދުމުގެ މަސައްކަތް އެމްއެންޑީއެފާއި ކައުންސިލުތައް ގުޅިގެން ދަނީ ކުރަމުންނެވެ.
Ads by STO
