Monday, 16 November 2026
Advertisement
Allied Insurance (leaderboard)
ޚަބަރު

މޯލްޑިވިއަންގެ ހާލަތު ގޯސްވީ ސިޔާސީ މީހުން ލުމުން، ރިކަވާކުރެވޭނެ: އަމީން

މޯލްޑިވިއަންގެ ހާލަތު ގޯސްވީ ސިޔާސީ މީހުން ލުމުން، ރިކަވާކުރެވޭނެ: އަމީން
ގައުމީ އެއާލައިން، މޯލްޑިވިއަން ބޮޑު އަދަދަކުން ދަރަނިވެރިވެ، ހާލަތު ގޯސްވި މައިގަނޑު ސަބަބަކީ އެ ކުންފުނީގެ ހިންގުން ސިޔާސީ މީހުންނާ ހަވާލުކުރުމުން ކަމަށް ޓްރާންސްޕޯޓް މިނިސްޓަރު މުހައްމަދު އަމީން މިރޭ ވިދާޅުވެއްޖެ އެވެ. ދައުލަތުގެ މީޑިއާ ޕީއެސްއެމްގެ "ރާއްޖެ މިއަދު" ޕްރޮގްރާމްގައި މިނިސްޓަރު އަމީން ވިދާޅުވީ ފުލުހުންނާ ސިފައިންގެ ހިދުމަތުގެ އިތުރުން އެއާލަންތަކަކީވެސް ސިޔާސީ ކަންކަމުން އެއްކިބާވެގެންވާ ތަންތަނަށް ވާންޖެހޭ ކަމަށެވެ. އެއަށް ފަހު މިނިސްޓަރު ވިދާޅުވީ އައިލެންޑް އޭވިއޭޝަނުން ހިންގާ މޯލްޑިވިއަންއަށް މިއަދު ދިމާވެފައި އޮތް ހާލަތަކީ ސިޔާސީވެގެން ގޮސް ދިމާވި ކަންކަން ކަމަށެވެ. "އޭގެ ނަތީޖާ އަސްލު ހަގީގަތުގައި މޯލްޑިވިއަންއަށް އެހާ ބޮޑު ވެއްޓުމެއްގެ ތެރެއަށް ދާން ޖެހުނު ހަގީގީ ސަބަބަކީ. ސިޔާސީ ކަންކަން އޭގެ ތެރެއަށް ވަނުން އެނގޭތޯ" މިނިސްްޓަރު ވިދާޅުވި އެވެ. ސަބަބު ތަފްސީލު ކޮށްދެއްވަމުން މިނިސްޓަރު ވިދާޅުވީ ކުރީގެ ރައީސް އަބްދުﷲ ޔާމީންގެ ވެރިކަމުގައި 2018 ވަނަ އަހަރާ ހަމައަށް ސަރުކާރުގެ ސޮވެރިން ގެރެންޓީއަކާ ނުލައި ހިންގަމުން ދިޔަ މޯލްޑިވިިއަން، 2023 ވަނަ އަހަރު ނިމުނުއިރު ދެ ބިލިއަނުން ދަރުވާލާފައިވާ ކަމަށެވެ.
"... 2018 ނިމުމާ ހިސާބަކަށް ސިޔާސީ ގޮތަކުން ނުހުންނާނެ ސިޔާސީ މީހުން އެކުންފުންޏަކަށް ވައްދާފައި. ކުންފުނި ހިންގީ ހުސް ޕްރޮފެޝަނަލް މީހުން. ކުންފުނީގައި އަބަދުވެސް 5 އަހަރުން އެމްޑީއެއް ބަދަލުވިކަމުގައި ވިޔަސް ނޫނިއްޔާ އެހެން މަގާމެއް ބަދަލުވިޔަސް ޕްރޮފެޝަނަލް އެއާލައިން ތަޖުރިބާހުރި ތައުލީމު ހުރި މީހުން ލައިގެން ހުރި... ކުރު ގޮތަކަށް ދަންނަވާނަމަ އެހާ ކުރު މުއްދަތެކެއްގައި ދަރައިގެން ދިޔައީ ސިޔާސީ ގޮތުން ނުލަން ޖެހޭ މީހުން ކުންފުނި ހިންގުމަށް ހަވާލުކުރީމަ" އަމީން ވިދާޅުވި އެވެ.
މިނިސްޓަރު ވިދާޅުވީ މި ސަރުކާރުން ހަވާލުވެ، މޯލްޑިވިއަނުން ބޭކާރު ގޮތުގައި ކުރަމުން އައި ހަރަދުތައް ހުއްޓުވާފައިވާ ކަމަށެވެ. އޭގެ ނަތިއްޖާ ފެންނަމުންދާ ކަމަށްވެސް ވިދާޅުވި އެވެ. އަމީން ވިދާޅުވި މޯލްޑިވިއަންގެ ހަރަދުކުޑަކުރުމުގެ ޕްލޭނެއް މިނިސްޓްރީއަށް ހުށަހަޅާފައިވާ ކަމަށާއި، އެޕްލޭނާ އެއްގޮތަށް ކަންކަން ކުރިއަށްދާނަމަ ކުންފުނިން ރިކަވާވާނެކަމުގެ ޔަގީންކަން އެބައޮތް ކަމަށެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.