ހިޔާ ފްލެޓްތަކަށް ދިމާވި ފެނުގެ މައްސަލަ ހައްލުކޮށްފި

ހުޅުމާލޭ ދެވަނަ ފޭސްގައި އިމާރާތްކޮށްފައިވާ ހިޔާ ޓަވަރުތަކަށް ދިމާވި ފެނުގެ މައްސަލަ ހައްލުކޮށްފި އެވެ.

ހޮޅިއެއް ފަޅައިގެން ދިއުމުގެ ސަބަބުން ހިޔާގެ ޓަވަރުތަކުގެ ބައެއް ފްލޯތަކުން ފެނުގެ ހިދުމަތް ކެނޑުނީ މިއަދު ހަވީރު އެވެ.

ހިޔާ ފްލެޓްތަކުގެ 1 ނަންބަރު ޓަވަރުން ފެށިގެން 8 ވަނަ ޓަވަރާ ހަަމައަށް ހުރިހާ ފަންގިފިލާތަކުން ފެނުގެ ހިދުމަތް މެދުކެނޑުނު ކަަމަށް އެމްޑަބްލިއުއެސްސީން ކުރިން ބުނެފައިވެ އެވެ.

އެމްޑަބްލިއުއެސްސީން މިރޭ ހަތެއް ޖެހިފަހުން މީޑިއާތަކަށް ފޮނުވި މެސެޖުގައި ބުނީ ފެނުގެ މައްސަަލަ ހައްލުކޮށްފައިވާ ކަމަށާއި ކުރިއެކޭ އެއްގޮތަށް މިހާރު ހިދުމަތް ލިބެމުންދާނެ ކަމަށެވެ.

ހިޔާ ފްލެޓްތަކުގައި 30،000 އަށް ވުރެ ގިނަ މީހުން ދިރިއުޅެ އެވެ.