މޫސުން ގޯސްވާނެކަމަށް ލަފާކޮށް ތ އިން ގދ އަށް ޔެލޯ އެލާޓް ނެރެފި

މޫސުން ގޯސްވާނެކަމަށް ލަފާކޮށް ތ. އަތޮޅުން ފެށިގެން ގދ. އަތޮޅަށް ޔެލޯ އެލާޓް ނެރެފި އެވެ.

Ads by Sosun Fihaara

މޯލްޑިވްސް މީޓިއޮރޮލޮޖިކަލް ސާވިސް (މެޓް) އިން ބުނީ އެ ސަރަހައްދަށް ޔެލޯ އެލާޓް ނެރިފައިވަނީ މިއަދު ހެނދުނު 9:30 އިން މެންދުރު 1:30 އަށް ކަމަށެވެ.

މި ވަގުތުގައި މި ސަރަހައްދަށް ބޯކޮށް ވާރޭވެހި ގުގުރާނެ ކަމަށް މެޓުން ވަނީ ލަފާކޮށްފަ އެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވެ ކަނޑުތައް ގަދަވާނެކަމަށް ލަފާކުރެވޭ ކަމަށް މެޓުން ބުންޏެވެ.

މެޓުން މިދިޔަ އާދިއްތަ ދުވަހު ވަނީ ރާއްޖޭގެ އިރުން ހުޅަނގުދެކުނު ބޭ އޮފް ބެންގާލްގައި ކޮޅިގަނޑެއް އުފެދިފައިވާތީ، މި ކޮޅިގަނޑު ހުޅަނގަށް ޖެހި ރާއްޖޭގެ ސަރަހައްދުގައި ބޯވިއްސާރަވިލާ އުފެދުމުގެ ފުރުސަތު ބޮޑުވާނެ ކަމަށް ބުނެފަ އެވެ. މި ހަފްތާގެ ތެރޭގައި މެޓުން ވަނީ އެކި ހިސާބުތަކަށް އެލާޓްތައް ނެރިފަ އެވެ.