އުމަރުގެ 'ސަރުކާރުވައްޓާ' ވާހަކައަށް ނައިބު ރައީސްގެ ވަރުގަދަ ރައްދެއް
ރައްޔިތުން ނިކުމުގެ މަގުމަތިން ރައީސް ޑރ މުހައްމަދު މުއިއްޒުގެ ސަރުކާރު ވައްޓާނުލާނެ ކަމަށް، ރައީސް މުއިއްޒު ހީކޮށްގެން ނުވާނެ ކަމަށް ވިދާޅުވެ ކުރީގެ ހޯމް މިނިސްޓަރު އުމަރު ނަސީރު ދެއްކެވި ވާހަކައަށް ނައިބު ރައީސް ހުސެއިން މުހައްމަދު ލަތީފް ވަރުގަދަ ރައްދެއް މިއަދު ދެއްވައިފި އެވެ.
އުމަރު އެހެން ވިދާޅުވެފައިވާ ހަބަރެއް 'އެކްސް' ގައި ރީޕޯސްޓު ކުރައްވާ ނައިބު ރައީސް ވިދާޅުވީ ރައީސް މުއިއްޒަކީ އަބަދުވެސް ބިނާކުރަނިވި ފާޑުކިޔުމަށް ޖާގަދެއްވާ ބޭފުޅެއް ކަމަށެވެ.
އަދި އެއީ ގައުމަށް އަދި ރައްޔިތުންނަށް ހިދުމަތެއް ކޮށްދެއްވަން ނުކުމެވަޑަންނަވާ ކޮންމެ ވެރިއެއް ނުވަތަ ސިޔާސީ ބޭފުޅެއްގެ ކިބައިގައި ހުންނަންވާނެ ސިފައެެއް ކަމަށްވެސް އެމަނިކުފާނު ވިދާޅުވި އެވެ.
"އެހެންނަމަވެސް ފާޑުކިޔުމުގެ ނަމުގައި ދިވެހިރައްޔިތުންނަކީ ނާތަހުޒީބު، ޑިމޮކްރެސީއާއި ދުރުބައެއް ކަމަށްބުނެ، ރައްޔިތުންނަށް ހަޖޫޖެހުމަކީ ދަށުދަރައިޖެ އަމަލެއް" ނައިބު ރައީސް ލިޔުއްވި އެވެ.
ރޭ ޗެނަލް13 އިން ގެނެސްދިން ޕްރޮގްރާމެއްގައި ރިޔާސީ އިންތިހާބުގައި ވާދަކުރެއްވި އުމަރު ވިދާޅުވީ މި ސަރުކާރުން ފިޔަވައި ބޮޑަށް ދޮގު ހަދައި، އޮޅުވާލައިގެން ވެރިކަމަށް އައި ބަޔަކު ދުނިޔޭގައިވެސް ނުތިބޭނެ ކަމަށެވެ. އަދި ރައްޔިތުންގެ އިތުބާރު މި ސަރުކާރަށް ގެއްލިފައިވާ ކަމަށްވެސް ވިދާޅުވި އެވެ. އުމަރު މި ސަރުކާރާ ދެކޮޅަށް އެންމެ ބޮޑަށް ހިތްހަމަ ނުޖެހެނީ އިންޑިއާ ސިފައިންގެ މައްސަލާގަ އެވެ.
ޢުމަރާ އަށް ވެރިކަމެއް ނުލިބޭނެ