Tuesday, 17 November 2026
Advertisement
HDC — Share-Below (leaderboard)
ޚަބަރު

ކޮރަޕްޝަން ނައްތާލެވޭނީ ހަމަހަމަކަމާއެކު އަމަލުކުރެވިގެން: ރައީސް

ކޮރަޕްޝަން ނައްތާލެވޭނީ ހަމަހަމަކަމާއެކު އަމަލުކުރެވިގެން: ރައީސް
ރާއްޖެއަށް ދިމާވެފައިވާ ކޮރަޕްޝަންގެ ވަބާ ނައްތާލެވޭނީ އެފަދަ މައްސަލަތަކުގައި ތުހުމަތުކުރެވޭ ހުރިހާ އެންމެންނަށް ގާނޫނާ އެއްގޮތްވާ ގޮތުގެމަތިން ހަމަހަމަކަމާއެކު އަމަލުކުރެވިގެން ކަމަށް ރައީސް ޑރ މުހައްމަދު މުއިއްޒު މިރޭ ވިދާޅުވެއްޖެ އެވެ. އެމްއެމްޕީއާރުސީގެ ބޮޑު ހިޔާނާތުގެ ތަހުގީގަށް ދައުލަތަށް އެއްބާރުލުން ދިނުމަށް ޝަރުތުކޮށް ކުރީގެ ނައިބު ރައީސް އަހުމަދު އަދީބާއި އެސްއޯއެފްގެ 3 ވެރިއަކާ އެކު ދައުލަތުން ހެދި އެއްބަސްވުން ނިމުމަކަށް ގެނައިކަން ޕްރޮސެކިއުޓާ ޖެނެރަލް (ޕީޖީ) އޮފީހުން ވަނީ މިރޭ ހާމަކޮށްފަ އެވެ. ޕީޖީގެ އެ ނިންމުމަށް މަރުހަބާ ވިދާޅުވެ ރަަސްމީ އެކައުންޓުން 'އެކްސް' ގައި ކުރެއްވި ޕޯސްޓެއްގައި ރައީސް ވަނީ ރާއްޖޭގައި އަށަގެންފައިވާ ކޮރަޕްޝަނުގެ ވަބާ ނައްތާލެވޭނީ ވަކި ތަފާތު ކުރުމެއް ނެތި ތުހުމަތުކުރެވޭ އެންމެންނަށް ހަމަހަމަކަމާއެކު އަމަލުކޮށްގެން ކަމަށް ވިދާޅުވެފަ އެވެ. "ޒަމާނުއްސުރެން މިގައުމަށް ކުރިމަތިވެފައިވާ ކޮރަޕްޝަންގެ ވަބާ މިގައުމުން ނައްތާލެވޭނީ އެފަދަ މައްސަލަތަކުގައި ހިމެނޭކަމަށް ތުހުމަތުކުރެވޭ ހުރިހާ ފަރާތަކާމެދުވެސް ގާނޫނާ އެއްގޮތްވާ ގޮތުގެމަތިން ހަމަހަމަކަމާއެކު އަމަލުކުރެވިގެން" ރައީސް ލިޔުއްވެވި އެވެ. https://twitter.com/MMuizzu/status/1881049083126964415 ޖިނާއީ މައްސަލަތަކުގައި ދައުލަތް ތަމްސީލްކުރާ ޕްރޮސެކިއުޓަ ޖެނެރަލް (ޕީޖީ) އިން މި އެއްބަސްވުންތައް އެކުލަވާލި މީހުންނަކީ:
  1. ހ. ސާމަރާ، އަހުމަދު އަދީބު އަބްދުލްގަފޫރު
  2. މ. ލޭންޑް އޮފް ގާޑެން، އަހުމަދު އިޝްފާހު އަލީ
  3. މ. ސެސްނާ، މުހައްމަދު އައްލާމް ލަތީފް
  4. ގ. އޮއިވާލި، މުހައްމަދު ހުސައިން
ޕީޖީ އޮފީހުން ބުނީ އެ އެއްބަސްވުންތައް ނިމުމަކަށް ގެނައީ، އެ 4 މީހުންގެ ފަރާތުން ވެސް ތަހުގީގަށާއި، ދައުލަތަށް ގެއްލިފައިވާ ފައިސާ އަނބުރާ ހޯދުމަށް އެކަށީގެންވާ އެއްބާރުލުން ލިބެމުން ނުދާ ކަމަށް ތަހުގީގީ އިދާރާތުން މައުލޫމާތު ދީފައި ވާތީ ކަމަށެވެ. އެ އެއްބަސްވުންތައް ނިމުމަކަށް ގެނައުމާއެކު، މި މީހުންގެ މައްޗަށް ތުހުމަތުކުރެވޭ މައްސަލަތަކުގެ ތަހުގީގު ކުރިއަށް ގެންގޮސް، ވީ އެންމެ އަވަހަކަށް ފޮނުވަން ދިވެހި ފުލުހުންގެ ހިދުމަތަށާއި، އެންޓި-ކޮރަޕްޝަން ކޮމިޝަނަށް (އޭސީސީ)ގައި ޕީޖީ އޮފީހުން ދަންނަވާފައިވާ ކަމަށް ވެސް ބުންޏެވެ. އަދީބާއި އެސްއޯއެފްގެ ވެރިން ވެސް ތިބީ ރާއްޖޭން ބޭރުގަ އެވެ. އަދީބު ވަރަށް އަވަހަށް ރާއްޖެ ވަޑައިގަންނަވާނެ ކަމަށް ވެސް ވިދާޅުވި އެވެ. ބޭސްފަރުވާއަށް އޭނާ ވަޑައިގަތީ، ތަންފީޒުކުރައްވަމުން ގެންދެވި ޖަލު ހުކުމް ކުރީގެ ރައީސް އިބްރާހީމް މުހައްމަދު ސޯލިހު ލުއިކޮށްދެއްވައި އޭނާ މިނިވަން ކުރުމުންނެވެ. ދެން ދައުލަތުން އެއްބަސްވުމެއް އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތާ އެކު އެވެ. ނަމަވެސް އެއްބަސްވުން ވަނީ 2022 ވަނަ އަހަރު ނިމުމަކަށް ގެނެސްފަ އެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.