ތަރާވީސްކުރަން ގެންނަ ބޭރުގެ އިމާމުންނަށް މި ފަހަރު ދެނީ 45 ދުވަހުގެ ވިސާއެއް
ރޯދަ މަހު ތަރާވީސް ނަމާދު ކުރުމަށް ގެންނަ ބޭރުގެ އިމާމުންނަށް މި ފަހަރު ދޫކުރާނީ 45 ދުވަހުގެ މުއްދަތަކަށް "ސްޕެޝަލް ވިސާ" ކަމަށް އިމިގްރޭޝަނުން މިއަދު ބުނެފި އެވެ.
އިމިގްރޭޝަނުން ވަނީ ބޭރުގެ އިމާމުންނާއި ހާޒިފުން ގެންނަން ވިސާއަށް އެދި ހުށަހެޅުމާ ގުޅޭ އުސޫލެއް މިއަދު ސަރުކާރުގެ ގެޒެޓުގައި ޝާއިއުކޮށްފަ އެވެ.
ވިސާގެ ފޯމު ފުރައި އިމިގްރޭޝަނަށް ހުށަހެޅޭނީ ރާއްޖޭން ބޭރުގެ އިމާމުން، ހާފިޒުން އަދި ގާރީން ގެނައުމަށް އިސްލާމިކް މިނިސްޓްރީން ހުއްދަ ދީފައިވާ ފަރާތްތަކަށް ކަމަށް އެ އިދާރާއިން ބުންޏެވެ.
"މި ފަރާތްތަކުން ގެންނަން ބޭނުންފުޅުވާ ހާފިޒުން އަދި ގާރީންގެ ވީޒާއަށް އެދި ހުށަހެޅުމުން، ކަނޑައެޅިފައިވާ ޝަރުޠުތައް ފުރިހަމަވެ، އެޕްރޫވަލް ލިބިވަޑައިގަންނަވާ ފަރާތްތަކަށް، ރާއްޖެ އަންނަ ދުވަހުން ފެށިގެން 45 ދުވަހުގެ 'ސްޕެޝަލް ވީޒާ' ދޫކުރުމަށް ވަނީ ހަމަޖެހިފަ އެވެ." އިމިގްރޭޝަންުގެ އިއުލާނުގައިވެ އެވެ.
