18 އަހަރު ނުވާ ކުއްޖަކު ދުއްވި ޕިކަޕެއް ގޮސް ޖެހުނީ ކުޅުދުއްފުށީ އެއާޕޯޓު ފެންސުގައި
ކުޅުދުއްފުށި ސިޓީގެ އެއާޕޯޓްގެ ފެންސްގައި ޖެހުނު ޕިކަޕް ދުއްވަން އިނީ ކުޑަަކުއްޖެއްކަމަށް ފުލުހުން ބުނެފި އެވެ.
ބާާރަށް ދުއްވާފައި ދިޔަ އެ ޕިކަޕް ގޮސް އެއާޕޯޓްގެ ފެންސްގައި ޖެހޭ މަންޒަރު ފެންނަ ވީޑިއޯއެއް ސޯޝަލް މީޑިއާގައި މިހާރު ވަނީ ވައިރަލްވެސްވެފަ އެވެ.
އެ ފެންސްގައި ޕިކަޕު ޖެހުމުން މީހަކު ނުކުމެ ޕިިކަޕު ދަމާފައި ފަހަތަށް ޖައްސަން އުޅޭ މަންޒަރުވެސް އެ ވީޑިއޯއިން ފެނެ އެވެ. އަދި އަލުން ޕިކަޕަށް އަރައި ކުރިއަށްދާތަން ވެސް ވީޑިއޯއިން ފެނެ އެވެ.
ފުލުހުން މިރޭ މީޑިއާތަކާ ހިއްސާކުރި މެސެޖުގައި ބުނީ އެ ވީޑިއޯ އެ އިދާރާގެ ސަމާލުކަމަށް އައިސްފައިވާ ކަމަށެވެ.
އެ މައްސަލައާ ގުޅިގެން މިހާތަަނަށް ބެލިބެލުމުން އެ ޕިކަޕް ދުއްވާފައިވަނީ 18 އަހަރު ނުފުރޭ ކުއްޖެއްކަން އެނގިފައިވާ ކަމަށް ފުލުހުން ބުނެފައި ވެއެވެ.
އެ މައްސަލައިގައި އެ ޕިކަޕް ޓޯކޮށް މައްސަލަ އިތުރަށް ތަހުގީގުކުރަމުންދާ ކަމަށް ވެސް ފުލުހުން ބުނެފައިވެެ އެވެ.
އަށާރަ އަހަރު ނުފުރޭ ކުދިން ވެހިކަލްތައް ދުއްވައިގެން ބޮޑެތި އެކްސިޑެންޓްތައް ހިނގައި ރާއްޖޭގައި މީހުން މަރުވެސްވެފައިވެ އެވެ.
Ads by STO
