މަގާމުން ވަކިކުރި ދަރިކަލުންނަށް އަބްދުއްރަހީމްގެ ތައުރީފު

ޓޫރިޒަމް މިނިސްޓަރުގެ މަގާމުން މިއަދު ވަކިކުރި އިބްރާހިމް ފައިސަލްގެ ވަޒީރުކަމުގައި އިހުލާސްތެރި މަސައްކަތެއް ކޮށްދެއްވި ކަމަށް ރައްޔިތުންގެ މަޖިލީހުގެ ރައީސް އަދި އޭނާގެ ބައްޕާފުޅު އަބްދުއްރަހީމް އަބްދުﷲ ވިދާޅުވެއްޖެ އެވެ.
ވަކި ސަބަބެއް ނާންގާ ވަޒީރުކަމުން ފައިސަލް ވަކިކޮށްފައިވާއިރު، އެކަމާ ގުޅޭ ގޮތުން ފުރަތަމަ ފަހަރަށް "އެކްސް" ގައި ކުރެއްވި ޕޯސްޓެއްގައި އަބްދުއްރަހީމް ވިދާޅުވީ ފައިސަލްއަށްޓަކައި މުޅި އާއިލާވެސް ފަހުރުވެރިވާ ކަމަށެވެ.
"ރާއްޖޭގެ ފަތުރުވެރިކަމާބެހޭ ވަޒީރުކަމުގެ މަގާމުގައި ހުރެގެން ހިދުމަތް ކުރީ އިހްލާސްތެރިކަމާ ތެދުވެރިކަމާއެކު. ނަތީޖާ ނެރެދެއްކި" އަދި އަބްދުއްރަހީމް ނިސްބަތްވެވަޑައިގަންނަވާ ފޮނަދޫ ދާއިރާގެ ރައްޔިތުންގެ އިތުބާރާ ލޯބި ފައިސަލް ހޯއްދެވި ކަމަށް ޕޯސްޓުގައި ވިދާޅުވި އެވެ.
https://twitter.com/Banafsaa/status/1884158844198347208
ޓޫރިޒަމް މިނިސްޓަރު ކަމުން ފައިސަލް ވަކިކުރެއްވިއިރު، މަގާމުގެ ހައިސިއްޔަތުން އޭނާ ކުރަން ހަމަޖެހިފައިވާ ރަސްމީ ހުރިހާ ދަތުރުތައް ހުއްޓާލަން ރައީސް އޮފީހުން މިދިޔަ ހަފުތާގެ ހޯމަ ދުވަހު އެންގި އެވެ. ފައިސަލްގެ ދަތުރުތައް ހުއްޓުވި ސަބަބާ ގުޅޭ ގޮތުން ރައީސް އޮފީހުން އެއްވެސް އެއްޗެއް ބުނެފައެއް ނުވެ އެވެ.
ފައިސަލް މަގާމުން ވަކި ކުރެއްވުމަށްފަހު ޓޫރިޒަމް މިނިސްޓްރީ ހިންގެވުން މިއަދުން ފެށިގެން ވަގުތީ ގޮތުން ހަވާލުކުރައްވާފައިވަނީ އިކޮނޮމިކް މިނިސްޓަރު މުހައްމަދު ސައީދުއާ އެވެ.
މައުލޫމާތު ލިބޭގޮތުން ފައިސަލް މަގާމުން ވަކިކުރީ ރައީސް ޑރ މުހައްމަދު މުއިއްޒުއާ އަބްދުއްރަހީމްއާ ދެމެދު އުފެދުނު ނުތަނަވަސްކަމެއްގެ ތެރެއިންނެވެ. އެކަމަކު އެއީ ކޮންކަމެއްކަން އަދި މިހާތަނަށް އެނގިފައެއް ނުވެ އެވެ.




.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.