Tuesday, 17 November 2026
Advertisement
Ooredoo — Article-Top (leaderboard)
ޚަބަރު

ސައުދީގެ ދައުވަތަކަށް މިނިސްޓަރު ހަލީލް ފުރާވަޑައިގެންފި

ސައުދީގެ ދައުވަތަކަށް މިނިސްޓަރު ހަލީލް ފުރާވަޑައިގެންފި
ސައުދީގެ ފޮރިން މިނިސްޓަރު ޕްރިންސް ފައިސަލް ބިން ފަރްހާންގެ ދައުވަތަކަށް، ފޮރިން މިނިސްޓަރު ޑރ. އަބްދުﷲ ހަލީލް ސައުދީއަރަބިޔާ އަށް މިރޭ ފުރާވަޑައިގެންފި އެވެ. ފޮރިން މިނިސްޓްރީން އެކަން ހާމަކޮށް ނެރުނު ނޫސްބަޔާނެއްގައި ބުނީ 3 ދުވަހުގެ މުއްދަތަށް ހަލީލް ކުރައްވާ ދަތުރުގައި ރާއްޖެ އާއި ސައޫދީއާ ދެމެދު އޮންނަ ޒަމާންވީ، ރަހްމަތްތެރިކަމުގެ ގުޅުން މުސްތަގްބަލުގައި އިތުރަށް ބަދަހިކުރެވޭނޭ ގޮތްތަކަށް މަޝްވަރާ ކުރުމަށް ހަމަޖެހިފައިވާ ކަމަށެވެ. އިތުރު ދާއިރާތަކުން ދެ ގައުމުން ގުޅިގެން މަސައްކަތްކުރުމަށް ހުރި ފުރުސަތުތަކާ ގުޅޭ ގޮތުން މަޝްވަރާކުރެއްވުމަށް ހަމަޖެހިފައިވާ ކަމަށްވެސް މިނިސްޓްރީން ބުންޏެވެ.

މީގެ އިތުރުން، ސައުދީގެ މިނިސްޓާ އޮފް ކޮމަސްއާ ބައްދަލުކުރައްވައި، ދެ ގައުމުގެ ދެމެދުގައި ވިޔަފާރީގެ ދާއިރާއިން ގުޅުން ބަދަހިކުރުމާއި ރާއްޖޭގައި ސައުދީ އިންވެސްޓްމަންޓްތައް އިތުރުކުރުމަށް ކުރެވިދާނެ ކަންކަމާ ގުޅޭގޮތުން މަޝްވަރާ ކުރެއްވުމަށް އެޖެންޑާ ކޮށްފައިވެ އެވެ.

މިނިސްޓްރީން ބުނީ ހަލީލްގެ ދަތުރުގައި ރާއްޖެއާ ސައުދިއާއެކު އޮންނަ ގާތް ގުޅުން އިތުރަށް ވަރުގަދަކުރުމަށާއި މުހިންމު ދާއިރާތަކުން ގުޅިގެން މަސައްކަތްކުރުމަށް އިސްކަންދޭ މިންވަރު ރަމްޒުކޮށްދޭ ކަމަށެވެ.

މިނިސްޓަރު ހަލީލްގެ އަރިހުގައި ސެކްރެޓަރީ، ބައިލެޓަރަލް ޑރ. ހާލާ ހަމީދާއި ފޮރިން މިނިސްޓްރީގެ ޖޮއިންޓް ސެކްރެޓަރީ ހަދީޖާ ނަޖީހާ ބައިވެރިވެވަޑައިގަންނަވަ އެވެ.

Advertisement
Allied — Dhen Online (box)
ހުސްވި ނޮވެމްބަރު މަހުވެސް ހަލީލް ސައުދީއަށް ވަޑައިގެންނެވި އެވެ. އެ ފަހަރު ސައުދީއަށް ވަޑައިގެންނެވީ އަރަބް-އިސްލާމިކް ސަމިޓުގައި ބައިވެރިވެވަޑައިގަތުމަށެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.