Monday, 16 November 2026
Advertisement
MWSC — SmartMeter (leaderboard)
ޚަބަރު

ގަސް ކޮށަނީ ރައްޔިތުން އެދިގެން: ސިޓީ ކައުންސިލް

ގަސް ކޮށަނީ ރައްޔިތުން އެދިގެން: ސިޓީ ކައުންސިލް
މާލޭގެ މަގުތަކުގައި ހުންނަ ގަސްތައް ކޮށަނީ ރައްޔިތުންގެ އެދިގެން ކަމަށް މާލެ ސިޓީ ކައުންސިލުން މިއަދު ބުނެފި އެވެ. ހިޔާލިބޭހެން ހުންނަ ގަސްތައް ސިޓީ ކައުންސިލުން ކޮށާ ކަމަށް ބުނެ ސޯޝަލް މީޑިއާގައި އަބަދުވެސް މީހުންގެ ކަންބޮޑުވުން އޮވެ އެވެ. އެކަންބޮޑުވުން އޮތަތީވެ އެކަން ސާފުކޮށް ދިނުމަށް ސިޓީ ކައުންސިލުން މިއަދު ނެރުނު ބަޔާނެއްގައި ބުނީ މާލޭގެ އެކި ސަރަހައްދުތަކުގައި ހުރި ގަސްތަކުގެ ގޮފިތައް އެލި، ބައެއް އިމާރާތްތަކަށް ގެއްލުންވަމުންދާ ކަމަށެވެ. އެގޮތަށް ހުންނަ ގޮފިތަކުގެ ސަބަބުން، ވައްކަން ކުރާ މީހުންނަށް ގެތަކަށް ވަންނަން މަގުފަހިވާ ކަމަށްވެސް ކައުންސިލުން ބުންޏެވެ. އެހެންވެ މީދާ ފަދަ ތަކެތި ގޭގެއަށް ވަންނަ ކަމަށް ބުނެ، ރައްޔިތުންގެ ޝަކުވާތައް ކައުންސިލަށް ލިބެމުންދެ އެވެ. "އަދި މީގެ އިތުރުން ބައެއް މަގުތަކުގައި ހުންނަ ގަސްތަކުގެ ގޮފިތައް އެލި، އެ ގަސްތަކުގެ ގޮފިތަކުގެ ސަބަބުން ދުއްވާ ތަކެއްޗަށާއި، ފަޔަރ ލޮރީ އަދި އެމްބިއުލާންސަށް އެ މަގުތަކަށް ވަނުމުގައި ދަތިތަކެއް ކުރިމަތިވާ ކަމަށް ވެސް ބުނެފައިވެއެވެ" ލިބެމުންދާ ޝަކުވާތައް ތަފްސީލު ކުރަމުން ކައުންސިލުން ބުންޏެވެ. ކައުންސިލުން ބުނީ ލިބޭ ޝަކުވާއާ ގުޅިގެން ކޮށަންޖެހިފައި ހުރި ގަސްތައް ކޮށައި ސާފުކުރުމުގެ މަސައްކަތް، ރައްޔިތުންނަށް އުނދަގޫނުވާނެހެން އިންތިޒާމްކޮށްގެން އެކި ވަގުތުތަކުގައި ކައުންސިލުން ކުރަމުންދާ ކަމަށެވެ. އަދ ބުނީ އެއީ މާލެ ސިޓީ ކައުންސިލުން އަބަދު ވެސް ކުރަމުން އަންނަ ކަމެއް ކަމަށެވެ. ޝަކުވާ ހުށަހެޅޭ މިންވަރަށް ބަލައި އެ ކަމަށް ޕްލޭންކޮށް މަސައްކަތް ކުރިޔަށް ގެންދާކަމަށް ކައުންސިލުގެ ވެބްސައިޓުގައި ޝާއިއުކުރި ހަބަރެއްގައި ބުންޏެވެ.

"ސިޓީ ކައުންސިލުން އަމިއްލަ ގޮތުން އިސްނަގައިގެން އެއްވެސް ގަހެއް ކޮށުމުގެ މަސައްކަތެއް ނުކުރެއެވެ އެފަދަ މަސައްކަތެއް ކުރަން ޖެހެނީ ހަމައެކަނި ރައްޔިތުންގެ ފަރާތުން ހުށަހެޅޭ މައްސަލައެއް ނުވަތަ މުޖުތަމައުއަށް ދިމާވާ ދަތިތަކެއް ހައްލުކުރުމަށެވެ" ކައުންސިލުން ބުންޏެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.