Tuesday, 17 November 2026
Advertisement
HDC — Share-Below (leaderboard)
ޚަބަރު

ސަރުކާރު ކޯލިޝަނުން ވަކިވާން ޖެހިދާނެ ކަމަށް އެމްޑީއޭއިން ބުނެފި

ސަރުކާރު ކޯލިޝަނުން ވަކިވާން ޖެހިދާނެ ކަމަށް އެމްޑީއޭއިން ބުނެފި

ރައްޔިތުންގެ މަޖިލީހުގެ މީދޫ ދާއިރާގެ މެންބަރު އަދި މަޝްހޫރު ވިޔަފާރިވެރިޔާ އަހުމަދު ސިޔާމް މުހައްމަދު (ސަން ސިޔާމް) ގެ މޯލްޑިވްސް ޑިވޮލޮޕްމެންޓް އެލަޔަންސް (އެމްޑީއޭ) އާ އެކު މިސަރުކާރުން ހަދާފައިވާ ކޯލިޝަން އެގްރީމެންޓަށް އަމަލުނުކުރާނަމަ ސަރުކާރުން ވަކިވެދާން ޖެހިދާނެ ކަމުގެ އިންޒާރު އެ ޕާޓިން މިއަދު ދީފި އެވެ.

ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގެ ކޯލިޝަން ޕާޓްނަރެއްގެ ގޮތުގައި އޮތް 9000 އަށްވުރެ ގިނަ މެންބަރުންގެ މައްޗަށް އެކުލެވޭ އެމްޑީއޭއިން ރައީސް ޑރ. މުހައްމަދު މުއިއްޒުއަށް ތާއިދުކޮށް، ކޯލިޝަން ހެދީ ރިޔާސީ އިންތިހާބުގެ ދެވަނަ ބުރު އެވެ.

މި ސަރުކާރުގެ ބައެއް ނިންމުންތަކާ އެމްޑީއޭއިން ދެކޮޅެވެ. އެމްޑީއޭގެ ލީޑަރު ސިޔާމް އާއި ވެލިދޫ ދާއިރާގެ މެންބަރު މުހައްމަދު އައްބާސްގެ ހުންނަ ކަންބޮޑުވުންތައް ދޭތެރެ ދޭތެރެއިން މަޖިލީހުގެ ތަޅުމުގައި ފާޅުކުރެ އެވެ.

Advertisement
Ooredoo — Square (box)

އައްބާސް "އެކްސް'' ގައި މިއަދު ކުރި ޕޯސްޓެއްގައި ވަނީ އެމްޑީއޭއާ އެކު އެކުލަވައިލައިފައިވާ އެއްބަސްވުމަށް އަމަލުކުރުމަށް ރައީސް މުއިއްޒުއަށް ދަންނަވާފަ އެވެ. އަދި އެކަން އެގޮތަށް ނުކުރާނަމަ ކޯލިޝަނުން ވަކިވެދާނެ ކަމަށް އައްބާސްގެ ޕޯސްޓުގައި ވިދާޅުވި އެވެ.

"އެމްޑީއޭ ގެ ލޮބުވެތި ރައީސް ގެ ފަރާތުން ލިބުނު ބޮޑު އެހީތެރިކަމާ އެމްޑީއޭ އިން ލިބުނު އެހީތެރިކަން މަތިން ހަދުމަ ނެތި އެއްބަސްވުމައް އަމަލު ނުކުރައްވާ ނަމަ ސަރުކާރު ކޯލިޝަން އިން އެމްޑީއޭ ވަކިވާން ޖެހިދާނެކަމުގައި ދަންނަވަން" އައްބަސް ލިޔުނެވެ.

އެއްބަސްވެފައިވަނީ ކޮން ކަންތައްތަކެއްކަން އެނގިފައިނުވި ނަމަވެސް ރައީސް މުއިއްޒު ވައުދުވެވަޑައިގެންނެވި ގޮތަށް އެމްޑީއޭއަށް ސިޔާސީ މަގާމުތައް ދީފައިނުވާކަން ވަނީ އެނގިފަ އެވެ. ވައުދުވެވަޑައިގެންނެވި ގޮތަށް ސިޔާސީ މަގާމުތައް އެމްޑީއޭއަށް ދިނުމަށް އެދި ހުސްވި އޮގަސްޓު ހިސާބުގައި ރައީސަށް ސިޓީއެއްވެސް ފޮނުވި އެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.