Tuesday, 17 November 2026
Advertisement
HDC — Share-Below (leaderboard)
ޚަބަރު

ރާއްޖޭގެ މަޖިލިސް ޑިޖިޓަލައިޒްކުރަން އިންޑިއާގެ މަޖިލީހުން އެހީވަނީ

ރާއްޖޭގެ މަޖިލިސް ޑިޖިޓަލައިޒްކުރަން އިންޑިއާގެ މަޖިލީހުން އެހީވަނީ

ރައްޔިތުންގެ މަޖިލިސް ޑިޖިޓަލައިޒްކުރުމަށް އިންޑިއާ ގާނޫނު ހަދާ މަޖިލީހުން އެހީތެރިކަން ފޯރުކޮށްދޭން ނިންމައިފި އެވެ.

ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އިއްޔެ އިންޑިއާއަށް ފެއްޓެވި ރަސްމީ ދަތުރުފުޅުގެ ތެރެއިން އެމަނިކުފާނު މިއަދު ވަނީ އިންޑިއާގެ ގާނޫނު ހަދާ މަޖިލީހުގެ ތިރީގެ، ލޮކް ސަބާގެ ރައީސް ޝްރީ އޯމް ބިރްލާއާ ބައްދަލު ކުރައްވައި އެ ތަނުގެ މަސައްކަތްތައް ވަނީ ބައްލަވައިލައްވައިފަ އެވެ.

އަދި އިންޑިއާގެ މަޖިލީހުގެ މަތީގެއާއި ތިރީގެ ބައްލަވާލެއްވުމަށް ފަހު އަބްދުއްރަހީމް ވަނީ އެ ތަން ޑިޖިޓަލައިޒްކޮށްފައިވާ ގޮތާއި އަދި އާޓިފިޝަލް އިންޓެލިޖެންސް އިންޓަގްރޭޓްކޮށްފައިވާ ގޮތަށް ތައުރީފް ކުރައްވައި ރާއްޖޭގެ މަޖިލީހުގެ އާކައިވް ޑިޖިޓަލައިޒްކޮށް ދެއްވުމަށް އެދިވަޑައިގެންފަ އެވެ.

Advertisement
Ooredoo — Square (box)

އަދި ލޮކް ސަބާގެ ރައީސް ޝްރީ އޯމް ބިރްލާ ވަނީ އަބްދުއް ރަހީމް އެދިވަޑައިގަތްގޮތަށް ޑިޖިޓަލައިޒޭޝަންގެ މަސައްކަތްތަކުގައި އެހީތެރިވެދެއްވާނެކަމުގެ ޔަގީންކަން ދެއްވައިފަ އެވެ.

އިންޑިއާގެ ޕާލަމަންޓްގެ ޓްރެއިނިން އިންސްޓްޓިއުޓްއިން މީގެ ކުރިން ވަނީ ރާއްޖޭގެ މަޖިލީހުގެ މުވައްޒަފުން ތަމްރީން ކުރުމުގެ މަސައްކަތްވެސްކޮށްފަ އެވެ.

ރާއްޖެއިން މިހާރު ދަނީ ޑިޖިޓަލައިޒޭޝަންގައި މިހާރު ދުނިޔޭގައި އެންމެ ކުރިއަރާފައި އޮތް އެސްޓޯނިއާގެ އެހީތެރިކަން ވެސް ހޯދަމުންނެވެ. އެ ކަަމަށް ޓަކައި ރައީސް ޑރ. މުހައްމަދު މުއިއްޒު ދާދި ފަހުން އެ ގައުމަށް ދަތުރުފުޅެއް ވެސް ކުރެއްވި އެވެ.

 

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.