ޚަބަރު

ދެ ސައިކަލެއް ޖެހި، ދުއްވަން ތިބި ދެ މީހުނަށް އަނިޔާވެއްޖެ

އިބްރާހީމް ހަމީޒް ، ދެން އޮންލައިން
ހުޅުމާލޭގައި މިރޭ ހިނގި އެކްސިންޑެޓުގެ ވީޑިއޯގެ ސްނޮޕް ޝޮޓެއް

ހުޅުމާލޭގޭ ފޭސް ދޭއްގައި މިރޭ ދެ ސައިކަލެއް ޖެހި ހިނގި އެކްސިޑެންޓްގައި ދެ މީހަކަށް އަނިޔާވެއްޖެ އެވެ.

ފުުލުހުން މިރޭ ބުނި ގޮތުގައި ދެ ސައިކަލެއް ޖެހި އެ އެކްސިޑެންޓް ހިނގީ ނިރޮޅު މަގު މުނި ހޯމް ކެއާ މިސްކިތް ކައިރިންނެވެ.

އެކްސިޑެންޓްގައި އަނިޔާވީ ދެ ސައިކަލު ދުއްވި ދެ މީހުންނަށެވެ. އެ މީހުންގެ ފަރުވާއަށް ހުޅުމާލެ ހޮސްޕިޓަލަށް ގެންގޮސްފައިވާ ކަަމަށް ފުލުހުން ބުންޏެވެ.

އެ ހަދިސާގެ އިތުރު ތަފްސީލު ފުލުހުން އަދި ނުދެ އެވެ.

ސޯޝަލް މީޑިއާގައި އާންމުވި ވީޑިއޯއިން ވެސް ދެ މީހަކު ބިން މައްޗަށް ވެއްޓިފައި ތިބި މަންޒަރު ފެނެ އެވެ.

ފުލުހުން ބުނީ އެ މައްސަލަ އިތުރަށް ތަހުގީގު ކުރަމުންދާ ކަމަށެވެ.