ޚަބަރު

މީހަކު ރަހީނުކޮށް އިނގިލި ބުރިކުރަން އުޅުނު މައްސަލައިގައި ހިމެނުނު މީހަކު ވައްކަންކޮށްގެން ހައްޔަރުކޮށްފި

ޢާއިޝަތު އަރީނާ ، ދެން އޮންލައިން
މީހަކު ރަހީނުކޮށް، އިނގިލި ބުރިކޮށްލުމަށް އުޅުނު މައްސަލައިގައި ހައްޔަރުކޮށް ދޫކޮށްލާފައި ހުއްޓައި ވައްކަންކޮށްގެން ހައްޔަރުކުރި މ. ކޮޅުފުށި، އާރެސް، ހަސަން ގާލިބު

ހުޅުމާލެ ދެވަނަ ފިޔަވަހީގައި ހުންނަ ހިޔާ ޓަވަރުގެ އެޕާޓްމެންޓެއްގައި މީހަކު ރަހީނުކޮށް، އިނގިލި ބުރިކޮށްލުމަށް އުޅުނު މައްސަލައިގައި ހައްޔަރުކުރި މީހުންގެ ތެރޭގައި ހިމެނުނު މީހަކު ވައްކަމުގެ މައްސަލައަކާ ގުޅިގެން ހައްޔަރުކޮށްފި އެވެ.

Ads by STELCO

މީހަކު ރަހީނުކުރި މައްސަލަ އާ ގުޅިގެން މިދިޔަ ނޮވެމްބަރު މަހުގެ ހަތް ވަނަ ދުވަހުގެ ރޭ ހިޔާ އެޗް-9 ޓަވަރުގެ 20 ވަނަ ފަންގިފިލާގެ 11 ވަނަ އެޕާޓްމަންޓުން 12 މީހުންގެ ގްރޫޕެއް ހައްޔަރުކުރި އެވެ. އެ މީހުން ހައްޔަރުކުރީ ރަހީނުކުރި މީހާގެ ބޯ ބާލުވައި އިނގިލި ބުރިކޮށްލަން އުޅެނިކޮށް އެ އެޕާޓްމަންޓުގެ ދޮރު ހަލާކުކޮށްލައިގެން ވަދެ އެވެ.

ވައްކަމުގެ މައްސަލައެއްގައި ހައްޔަރުކުރީ އެ މީހުންގެ ތެރޭގައި ހިމެނުނު މ. ކޮޅުފުށި، އާރެސް، ހަސަން ގާލިބު (39އ) އެވެ.

ކްރިމިނަލް ކޯޓުގެ އަމުރުން އެނގޭ ގޮތުގައި ގާލިބަކީ ކުށުގެ ރެކޯޑު ގިނަ މީހެކެވެ. ވުމާ އެކު އޭނާ 15 ދުވަހުގެ މުއްދަތަށް ބަންދުގައި ބެހެއްޓުމަށް ވަނީ އަމުރުކޮށްފަ އެވެ.

ރަހީނުކުރި މައްސަލައިގައި ގާލިބު އާއެކު އަށް މީހަކު ތަހުގީގު މަރުހަލާ ނިމެންދެން ބަންދުކުރި އެވެ. ނަމަވެސް އޭނާ ހިމެނޭހެން މައްސަލައިގައި ހައްޔަރުކުރި އެންމެން ފަހުން ވަނީ ދޫކޮށްލާފަ އެވެ. އެ މީހުންގެ މައްޗަށް ދައުވާކުރަން މިދިޔަ ޑިސެމްބަރު މަހުގެ 21 ވަނަ ދުވަހު ޕީޖީ އޮފީހަށް ފޮނުވާފައިވާ ކަމަށް ފުލުހުން ބުނެފައިވެ އެވެ.

Ads by HDC