ގިނަ ސްކޫލުތަަކަށް ޓެކްސްޓް ފޮތްތައް ފޮނުވައި ނިންމައިފި
މިފެށޭ ދިރާސީ އާ އަހަރަށް ގިނަ ސްކޫލުތަކަށް ޓެކްސްޓް ފޮތްތައް ފޮނުވައި ނިންމާފައިވާ ކަމަށް އެޑިއުކޭޝަން މިނިސްޓްރީން ބުނެފި އެވެ.
އެޑިއުކޭޝަން މިނިސްޓްރީގެ އޮފިޝަލަކު "ދެން"އަށް މިއަދު ވިދާޅުވީ ޓެކްސްޓް ފޮތްތައް މީގެ މަހެއްހާ ދުވަސްކުރިން އަތޮޅު ތެރެއަށް ފޮނުވުމުގެ މަސައްކަތް ފަށާފައިވާ ކަމަށެވެ.
އޮފިޝަލު ވިދާޅުވީ މިހާރު ގިނަ ސްކޫލުތަކަށް ޓެކްސްޓް ފޮތްތައް ފޮނުވާފައިވާ ކަމަށެވެ.
"މިހާރު ދެކުނުގެ އަތޮޅުތަކަށް ގްރޭޑް ހަތަރެއް އަދި ފަހެއްގެ ޓެކްސްޓް ފޮތްތައް ނޮފޮނުވި އޮތީ" އެޑިއުކޭޝަންގެ އޮފިޝަލު ވިދާޅުވި އެވެ.
ދިރާސީ އާ އަހަރުގެ ކިޔެވުން ފެށޭނީ އަންނަ އާދިއްތަ ދުވަހު އެވެ.
އަދި މި އަހަރުގެ ދިރާސީ އާ އަހަރު ޑިސެމްބަރުގައި ނިންމަން ތާވަލުކޮށްފައިވާ އިރު އަންނަ އަހަރުން ފެށިގެން ދިރާސީ އާ އަހަރު ފަށާނީ ކޮންމެ އަހަރެއްގެ ޖެނުއަރީ މަހުން ފެށިގެން ނެވެ.
ދިރާސީ އާ އަހަރު މެދުތެރެއިން ފެށީ ނިމިގެން ދިޔަ ސަރުކާރުގަ އެވެ. އެހެން ނަމަވެސް މި ސަރުކާރުން ވަނީ އެ ނިންމުން ބަދަލުކޮށްފަ އެވެ.
