ކަރަންޓު ކޭބަލްތަކެއް ބުރިކޮށްލި މީހަކު ހައްޔަރުކޮށްފި

ސްޓެލްކޯގެ ކަރަންޓް ޑިސްޓްރިބިއުޝަން ޕެނަލެއްގެ ކޭބަލްތައް ބުރިކޮށްލި މައްސަލާގައި މީހަކު ހައްޔަރުކޮށްފި އެވެ.

Ads by STELCO

މީޑިއާތަކަށް ފޮނުވި މެސެެޖެއްގައި ފުލުހުން ބުނީ އެ މައްސަލާގެ ތުހުމަތުގައި ހައްޔަރުކޮށްފައިވަނީ ނަސީމީވިލާ / ށ.މިލަންދޫ، އިސްމާއީލް ސަމީމް (29އ) ކަމަށެވެ. އޭނާ ހައްޔަރުކުރީ ކުށުގެ ވެށިން ކަމަށް ފުލުހުން ބުންޏެވެ.

ފުލުހުން ބުނީ ޕެނަލަށް ދީފައިވާ ގެއްލުމުގެ ސަބަބުން 7 ގެއަކުން ކަރަންޓު ކެނޑުނު ކަމަށެވެ.

އޭނާ ގެއްލުންދިނީ ޗާންދަނީ މަގު، އިސްކަންދަރު ސްކޫލު ކުރިމައްޗަށްވާ ގޮތަށް ހުރި އިލެކްޓްރިކަލް ޑިސްޓްރިބިއުޝަން ޗެނަލަކަށެވެ.