ހުޅުމާލެ ހޮސްޕިޓަލަށް ދިމާވި ކަރަންޓުގެ މައްސަލައަކާ ހުރެ އޯޕީޑީ ހިޔާ ކްލިނިކަށް
ހުޅުމާލެ ހޮސްޕިޓަލުގެ ކަރަންޓަށް ދިމާވި ޓެކްނިކަލް މައްސަލައަކާ ގުޅިގެން އެ ހޮސްޕިޓަލުގެ ޖެނެރަލް އޯޕީޑީގެ ހިދުމަތް ފޭސް ދޭއްގެ ހިޔާ ޓަވަރު 16 ގައި ހުންނަ ޖެނެރަލް ޕްރެކްޓިސް ކްލިނިކަށް ބަދަލުކޮށްފި އެވެ.
ހުޅުމާލެ ހޮސްޕިޓަލުން ރޭ ފަތިހު ކުރި އިއުލާނެއްގައި ބުނީ ޓެކްނިކަލް މައްސަލަ ދިމާވީ އެ ހޮސްޕިޓަލުގެ މެއިން އިލެކްޓްރިކް ޕެނަލަށް ކަމަށެވެ.
އެ މައްސަލަ ހައްލުކުރެވެންދެން، ހޮސްޕިޓަލުގެ ޖެނެރަލް އޯޕީޑީގެ ހިދުމަތް ހިޔާ ޓަވަރު 16 ގައި ހުންނަ ޖެނެރަލް ޕްރެކްޓިސް ކްލިނިކަށް ވަގުތީ ގޮތުން ބަދަލުކުރެވިފައިވާ ކަމަށް އިއުލާނުގައިވެ އެވެ.
ހުޅުމާލެ ހޮސްޕިޓަލުން ބުނި ގޮތުގައި ކަރަންޓުގެ މައްސަލަ ވީ އެންމެ އަވަހަކަށް ހައްލުކުރުމަށް އެ ހޮސްޕިޓަލުގެ ޓީމުން ކަމާ ބެހޭ އިދާރާތަކާ އެކު ހުއްޓުމެއް ނެތި މަސައްކަތް ކުރަމުންދާ ކަމުގަ އެވެ.
މައްސަލަ ހައްލު ވީހާ އަވަހަކަށް ހޮސްޕިޓަލުގެ ހިދުމަތްތައް އަލުން ލިބޭނެކަން ހުޅުމާލެ ހޮސްޕިޓަލުން ވަނީ ފާހަގަކޮށްފަ އެވެ.
ކަމާ ގުޅިގެން ހިދުމަތް ހޯދާ ފަރާތްތަކަށް ދިމާވެދާނެ ދަތިތަކަށް ހުޅުމާލެ ހޮސްޕިޓަލުން ވަނީ މާފަށް އެދިފަ އެވެ.
