ޚަބަރު

ސަޕްލައި ދޯންޏެއް ބަންޑުން ޖަހާލައި މީހަކު މަރުވެއްޖެ

. ، ދެން އޮންލައިން
ކޯސްޓުގާޑުގެ ލޯންޗެއް ހަރަކާތްތެރިވަނީ

ދޯންޏެއް ބަންޑުން ޖަހާލައި 65 އަހަރުގެ މީހަކު ނިޔާވެއްޖެ އެވެ.

Ads by MPL

މީޑިއާތަކަށް މިއަދު ފޮނުވި މެސެޖެއްގައި ފުލުހުން ބުނީ، ށ. ފުނަދޫއިން ދެ ދިވެހިންނާއި ދެ ބިދޭސީން ގޮވައިގެން ދަތުރުކުރި ސަޕްލައި ދޯންޏެއް ކުމުންދޫ ކައިރިން ބަންޑުން ޖަހާލާފައިވާ ކަމަށް މިއަދު ހެނދުނު 8:55 ހާއިރު ރިޕޯޓްކޮށްފައިވާ ކަމަށެވެ.

ފުލުހުން ބުނީ 4 މީހުން ސަލާމަތްކޮށް ކުޅުދުއްފުއްޓަށް ގެންގޮސްފައިވާ ކަމަށެވެ. އެ މީހުންގެ ތެރެއިން 65 އަހަރުގެ ދިވެއްސަކު ހާލު ދެރަވެގެން ފަރުވާދެމުން ދަނިކޮށް 10:30 އެ މީހާ ނިޔާވެއްފައިވާ ކަމުގެ މައުލޫމާތު ލިބިފައިވާ ކަމަށް ފުލުހުން ބުންޏެވެ.

ފުލުހުން ބުނީ އެ ހާދިސާއާ ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.

Ads by Allied Insurance