ފަރެސްމާތޮޑާގައި އަންހެނުން ތަކެއް ހިންގި މާރާމާރީއެއްގައި ތިން މީހަކަށް އަނިޔާވެ އެޑްމިޓު ކޮށްފި
ގދ. ފަރެސްމާތޮޑާގައި އަންހެނުން ތަކެއް ހިންގި މާރާމާރީއެއްގައި ތިން މީހަކަށް އަނިޔާވެ ފަރުވާ ދިނުމަށް ސިއްހީ މަރުކަޒުގައި އެޑްމިޓު ކޮށްފިއެވެ.
އެނގިފައިވާ ގޮތުގައި މާރާމާރީ ހިނގާފައިވަނީ ހަތަރު އަންހެނެއްގެ ދެމެދުގައެވެ.
އޮންލައިން ނޫސް "ވަގުތު" ގައި ބުނެފައި ވަނީ މާރާމާރީ ހިނގާފައި ވަނީ މީހެއްގެ އަނތްބަކާއި އޭނަގެ ކުރީގެ އަނބިމީހާ އާއި ދެމެދުގައި ކަމަށް އެނޫހަށް މައުލޫމާތު ލިބިފައިވާ ކަމަށެވެ. އެމާރާމާރީގައި ކުރީގެ އަނބިމީހާ އާއި އޭނަގެ ކޮއްކޮގެ އިތުރުން އެހެން މީހަކު ވެސް ބައިވެރިވެފައިވެއެވެ.
މާރާމާރީ ހިންގި މީހުންގެ ތެރެއިން ތިން މީހަކަށް އެރަށު ސިއްޙީ މަރުކަޒުން ފަރުވާ ދެމުންދާ ކަމަށާއި އިތުރު ފަރުވާއަށް އެއަތޮޅު ތިނަދޫ އަށް ގެންދިޔުމަށް މަސައްކަތް ކުރާ ކަމަށް ވެސް އެނޫހަށް މީހަކު މައުލޫމާތު ދީފައިވެއެވެ.
އަނިޔާވި މީހުންގެ ތެރެއިން އެކަކީ ހިތުގެ ބަލި ހުންނަ މީހެކެވެ. އޭނާގެ މޭމަތީގައި ޖެހުމުން ވަރަށް ބޮޑަށް އަނިޔާ ވެފައިވާ ކަމަށް ވެސް މައުލޫމާތު ލިބިފައިވެއެވެ.
Ads by STO
