Tuesday, 17 November 2026
Advertisement
STO — McCoy (leaderboard)
ޚަބަރު

ރައީސް މުއިއްޒު މޯދީއާ ބައްދަލުކުރައްވައިފި

ރައީސް މުއިއްޒު މޯދީއާ ބައްދަލުކުރައްވައިފި

ރައީސް ޑރ. މުހައްމަދު މުއިއްޒު ޗައިނާއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން އިންޑިއާގެ ބޮޑުވަޒީރު ނަރެންދުރަ މޯދީއާ ބައްދަލުކުރައްވައިފި އެވެ.

އެ ބައްދަލުވުން ކުރިއަށް ދިޔައީ ޝަންހާއީ ކޯޕަރޭޝަން އޯގަނައިޒޭޝަން (އެސްއީއޯ) ސަމިޓުގައި ބައިވެރިވެވަޑައިގަތުމަށް އިއްޔެ ޗައިނާއަށް ފެއްޓެވި ދަތުރުފުުޅުގައި ސަމިޓުގެ ހަވާސާގެ ތެރެއިން އެވެެ.

އެ ބައްދަލުވުމަށް ފަހު މޯދީ އެކްސްގައި ވިދާޅުވީ ދެ ގައުމުގެ ތަރައްގީއަށް ގުޅިގެން މަސައްކަތް ކުރުމަކީ ދެ ގައުމުގެ ރައްޔިތުންގެ ފައިދާއަށް މުހިންމު ކަމަށެވެ.

Advertisement
HDC — Sidebar (box)

މީގެ ކުރިން ވެސް އެކި ގައުމުތަކުގައި ބޭއްވި ބައްދަލުވުންތަކުގެ ހަވާސާގެ ތެރެއިން މޯދީއާ މުއިއްޒު ބައްދަލުކުރައްވަފައިވާ އިރު މިދިޔަ އަހަރު އޮކްޓޫބަރު މަހު ރައީސް މުއިއްޒު ވަނީ އިންޑިއާއަށް ރަސްމީ ދަތުރުފުޅެއް ކުރައްވައި މޯދީއާއެކު ވާހަކަތައް ބާއްވަވައިފަ އެވެ.

https://twitter.com/narendramodi/status/1962123585692283113

އަދި ރާއްޖޭގެ މިނިވަން ދުވަސް ފާހަގަކުރުމުގެ ހަރަކާތްތަކުގައި ބައިވެރިވެވަޑައިގަތުމަށް ވެސް މިދިޔަ މަހު މޯދީ ރާއްޖެ ވަޑައިގެންނެވި އެވެ.

ރައީސް މުއިއްޒު ޗައިނާއަށް ކުރައްވަމުން ގެންދަވާ  ދަތުރުގައި އެހެން ގައުމުތަކުގެ ލީޑަރުންނާ ވެސް ބައްދަލު ކުރައްވާ ގޮތަށް ހަމަޖެހިފައިވެ އެވެ.

އެސްސީއޯ އަކީ ޔޫރޭޝިޔާ ސަރަހައްދުގެ ސިޔާސީ، އިގްތިސާދީ އަދި ދިފާއީ ކަންކަމަށް އަމާޒުކޮށްގެން، އެ ސަރަޙައްދުގެ ހަ ގައުމަކުން އެކުލަވާލާފައިވާ ސަރަހައްދީ ޖަމިއްޔާއެކެވެ. އެ ޖަމިއްއްޔާ އުފެއްދީ، ޗައިނާ، ރަޝިޔާ، ކަޒަކްސްތާން، ކިރްގިސްތާން، ތަޖިކިސްތާން އަދި އުޒްބެކިސްތާން ގުޅިގެންނެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.