މުއާޒުގެ ބަންދަށް އިތުރު 10 ދުވަސް ޖަހައިފި
އެމްޕީއެލްގެ ބަނދަރުގައި ބަހައްޓާފައި ހުރި 40 ފޫޓުގެ ދެ ކޮންޓެއިނަރެއް، އޭގައި ހުރި 13.6 މިލިއަން ސިނގިރޭޓާއެކު ވަގަށް ގެންދިޔަ މައްސަލާގައި ހައްޔަރުކުރި މިފްކޯގެ ޖެނެރަލް މެނޭޖަރެއް ކަމަށްވާ މުއާޒު އަލީގެ ބަންދުގެ މުއްދަތު އިތުރުކޮށްފި އެެވެ.
ސިނގިރެޓްތައް ގެއްލުނު މައްސަލައިގައި މުއާޒް ހައްޔަރުކުރުމަށް ފަހު އޭނާގެ ބަންދަށް އެންމެ ފުރަތަމަ ޖެހީ ފަސް ދުވަހެވެ.
ފުލުހުން މިއަދު ބުނީ މުއާޒްގެ ބަންދުގެ މުއްދަތު ހަމަވުމުން އެ މައްސަލައިގައި ކްރިމިނަލް ކޯޓަށް ހާޒިރުކުރުމުން އޭނާ އިތުރު 10 ދުވަހަށް ބަންދުކުރަން އަމުރުކޮށްފައިވާ ކަމަށެވެ.
ސިނގިރޭޓު ކާޓޫނުތައް ހުރި ދެ ކޮންޓެއިނަރު ވަގަށް ނެގި މައްސަލައިގައި މަޝްހޫރު ދެ ވިޔަފާރިވެރިއަކާއި ކަސްޓަަމްސްގެ އިސް މުވައްޒަފަކު ވެސް ހައްޔަރުކޮށް ވަނީ ބަންދުގެ މުއްދަތު ޖަހައިފަ އެވެ.
މި މައްސަލާގައި ހައްޔަރުކުރި މީހުންނަކީ:
- މއ. އެވާ ގްލޯރީ، އަހުމަދު އާރިފް - ލޮޓަސް ކުންފުނީގެ ވެރިޔާ (61އ) - ބަންދަށް 15 ދުވަސް
- ދިގަލި، ބ، އޭދަފުށި، މުހައްމަދު ވަހީދު- އެޕޯލޯގެ ވެރިޔާ (65އ) ބަންދަށް 10 ދުވަސް
- މެދުރީގެ، ހދ. ވައިކަރަދޫ، ޒިވާރު އިސްމާއިލް (40އ) - ބަންދަށް 15 ދުވަސް
