ޚަބަރު

ކުޑަހުވަދޫން 224 ބަނގުރާފުޅި ނައްތާލައިފި

ފާތިމާ އިބްރާހީމް ، ދެން އޮންލައިން
ފޮޓޯ: ފުލުހުންގެ އިދާރާ

ދ. ކުޑަހުވަދޫން 224 ބަނގުރާފުޅި ނައްތާލާފައިވާކަމަށް ފުލުހުންގެ އިދާރާއިން ބުނެފިއެވެ.

ނައްތާލެވުނު ބަނގުރަލުގެ ތެރޭގައި 224 ބަނގުރާފުޅީގެ އިތުރުން 260 ބަނގުރާދަޅު ނައްތާލެވުނު ކަމަށް ފުލުހުން މަޢުލޫމާތުދެއެވެ. މި ތަކެއްޗަކީ މި އަހަރުގެ ޖުލައި މަހުގެ 15އިން ފެށިގެން ސެޕްޓެމްބަރު މަހުގެ ނިޔަލަށް ދ. އަތޮޅު އެއަރޕޯޓުން އެކި ޤައުމުތަކަށް ފުރުމަށްދިޔަ ފަތުރުވެރިންގެ އަތުން އެވިއޭޝަން ސެކިއުރިޓީ ހިފައްޓައި، ފުލުހުންނާ ހަވާލުކުރެވިފައިވާ ތަކެތިކަމަށް ފުލުހުން ބުނެފައިވެއެވެ.

މިފަދަ މައްސަލަތަކުގައި ފުލުހުންގެ ބެލުމުގެ ދަށަށް ބެނެވޭ ތަކެތި ނައްތާލުމުގައި ޢަމަލުކުރަނީ އެކަމަށް ހެދިފައިވާ ޤަވައިދުތަކުގެ ދަށުންކަމަށް ވެސް ފުލުހުން ބުނެފައިވެއެވެ.

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!