މޯލްޑިވިއަނުން މަޑިވަރަށް ކުރާ ދަތުރުތައް އިތުރުކުރަން ނިންމައިފި

ދިވެހި ޤައުމީ އެއަރލައިނުން ޅ. އަތޮޅު މަޑިވަރު އެއަރޕޯޓަށް ކުރާ ދަތުރުތައް އިތުރުކުރަން ނިންމައިފިއެވެ.

މޯލްޑިވިއަނުން ބުނީ، މިހާރު މަޑިވަރަށް ކުރަނީ ހަފްތާއަކު 2 ދަތުރު ކަމަށެވެ. ނަމަވެސް މި ޑިސެންބަރު މަހުގެ 22ވަނަ ދުވަހުން ފެށިގެން މަޑިވަރަށް، ހަފްތާއަކު 3 ދަތުރު ކުރުމަށް ނިންމައިފައިވާ ކަމަށާއި ކޮންމެ ހަފްތާއެއްގެ ވެސް ހޯމަ، ބުދަ އަދި ހޮނިހިރު، މި 3 ދުވަހު ދަތުރުތައް އޮންނާނެކަމަށް މޯލްޑިވިއަނުން ބުނެއެވެ.

މަޑިވަރަށް އެއްކޮޅު ޓިކެޓުގެ އަގަކީ 799 ރުފިޔާއެވެ.

https://twitter.com/MaldivianAero/status/1997988947990130808

ޤައުމީ އެއަރލައިނުން އަބަދުވެސް ޗުއްޓީތަކާ ދިމާކޮށް ޑޮމެސްޓިކް އަދި އިންޓަރނޭޝަނަލް ދަތުރުތައް އިތުރު ކުރެއެވެ. އަދި ދަތުރުތަކުގެ ޓިކެޓްގެ އަގުތައް ހެޔޮކޮށް، ފެއަރތަކުން ޓިކެޓް ލިބުމުގެ ފުރުސަތުތައް ވެސް ހުޅުވައިލައެވެ.