އަންނަ މަހުން ފެށިގެން ތެލެސީމިއާ ކުދިންނަށް 2000 ރުފިޔާގެ އެލަވަންސެއް ދޭން ފަށަނީ
ތެލެސީމިއާ ހުންނަ ކުދިންނަށް ދައުލަތުން އެހީތެރިކަން ފޯރުކޮށްދިނުމުގެ ގޮތުން އަންނަ މަހުން ފެށިގެން ތެލެސީމިއާ ކުދިންނަށް 2000 ރުފިޔާގެ އެލަވަންސްއެއް ދޭން ފަށަން ސަރުކާރުން ނިންމައިފިއެވެ.
ހެލްތު މިނިސްޓްރީން މިރޭ ނެރުނު ބަޔާނުގައި ބުނީ އެ އެލަވަންސް ދޭނީ ތެލެސީމިއާ ދަފުތަަރުގައި ރަޖިސްޓްރީވެފައިވާ ފަރާތްތަކުގެ ތެރެއިން ތެލެސީމިއާގެ އެލަވަންސް ދިނުމާ ގުޅޭ ކަންކަން ބަޔާންކުރާ ގަވައިދުގެ ދަށުން ޝަރުތުހަމަވަ ފަރާތްތަކަށް ކަމަށެވެ.
އެގޮތުން އަންނަ މަހުން ފެށިގެން އެ ފަދަ ފަރާތްތަކަށް ކޮންމެ މަހަކު ވެސް 2000 ރުފިޔާގެ އެލަވަންސެއް އަންނަ މަހުން ފެށިގެން ލިބޭނެ ކަމަށް ހެލްތު މިނިސްޓްރީން ބުންޏެވެ.
އެލެވަންސް ލިބޭނީ އެކަމަަށް އެދި ހުށަހެޅުމުންކަމަށް ވެސް މިނިސްޓްރީން ބުންޏެވެ.
އެހެންކަމުން "ވަން ގަވް"ގެ ތެލެސީމިއާ ދަފްތަރުގައި ރަޖިސްޓްރީ ނުވާ ފަރާތްތަކުން ރަޖިސްޓްރީވުމަށް ވެސް ހެލްތު މިނިސްޓްރީން އިލްތިމާސްކުރިއެވެ.
ތެލެސީމިއާ ކެރިއަރުންތޯ ބަލަން ޓެސްޓުކުރުމުގެ ކަންކަން ފާއިތުވި އަހަރުތަކުގެ ތެރޭގައި ފުޅާކުރި ނަމަވެސް އަދިވެސް ތެލެސީމިއާ ހުންނަ ކުދިން ރާއްޖޭގައި އުފަންވަމުންދާކަން ފާހަގަކޮށްލެވެއެވެ.
Ads by STO
