Tuesday, 17 November 2026
Advertisement
STO — McCoy (leaderboard)
ޚަބަރު

ޕްރައިވެޓްރޫމް ފެސިލިޓީއެއް ކޭއާރުއެޗްގައި އަޅަނީ

ޕްރައިވެޓްރޫމް ފެސިލިޓީއެއް ކޭއާރުއެޗްގައި އަޅަނީ
ކަރަންޓީނު ފެސިލިޓީއަކަށް ވެސް ބޭނުންކުރެވޭ ގޮތަށް ޕްރައިވެޓްރޫމް ފެސިލިޓީއެއް ކުޅުދުއްފުށީ ރީޖަނަލް ހޮސްޕިޓަލުގައި އަޅަން މިއަދު ހަވާލުކޮށްފިއެވެ. އެ މަސައްކަތް ހަވާލުކުރީ އަލްޓެކް މޯލްޑިވްސް ޕްރައިވެޓް ލިމިޓެޑްއާއެވެ. އެއީ 435ދުވަސް ތެރޭ ނިންމާ ގޮތަށް 53.6މިލިއަން ރުފިޔާއަށެވެ. ހެލްތު މިނިސްޓްރީގައި މިއަދު ބޭއްވި ރަސްމިއްޔާތެއްގައި ވަނީ އެކަމާ ގުޅޭ އެއްބަސްވުމެއްގައި ސޮއިކޮށްފައެވެ. އެ އެއްބަސްވުމުގައި ހެލްތު މިނިސްޓްރީގެ ފަރާތުން ސޮއި ކުރެއްވީ ސްޓޭޓް މިނިސްޓަރު ހަދީޖާ އަބްދުއްސަމަދު އަބްދުﷲއެވެ. އަދި އަލްޓެކް މޯލްޑިވްސްގެ ފަރާތުން ސޮއި ކުރެއްވީ ޖެނެރަލް މެނޭޖަރ، ހުސައިން ތަސްމީންއެވެ. އެ އެއްބަސްވުމުގެ ދަށުން ގާއިމްކުރާ އެ ފެސިލިޓީގައި 14ޕްރައިވެޓް ރޫމް ހުންނާނެ ކަމަށާއި އެ 14ކޮޓަރި ހުންނާނީ ބަލިމީހާގެ އިތުރަށް ބަލިމީހާގެ އެހީތެރިއާ އެކު ހުރެވޭގޮތަށް ކަމަށް ވެސް ހެލްތު މިނިސްޓްރީން ބުންޏެވެ. އޭގެ އިތުރުން
  • ކޮންމެ ކޮޓަރިއެއްގައި ފާހަނާ ހަރުކުރެވިފައި ހުންނާނެ
  • އެ ކޮޓަރިތަކުގެ ތެރޭގައި މޮޑަރޭޓް ޕޭޝަންޓް، ކްރިޓިކަލް ޕޭޝަންޓް އަދި ޕޭޝަންޓް ވިތް ސްޕެޝިއަލް ނީޑްއަށް ހާއްސަކުރެވިގައިވާ ކޮޓަރި ހުންނާނެ
ޕްރައިވެޓް ރޫމްގެ އިތުރަށް އެ އިމާރާތުގައި ޑައިލިސިސް ރޫމް، އިމަޖެންސީ ރޫމް، މެޑިކަލް ސްޓޯރު، ޖެނެރަލް ސްޓޯރު، ނާސް ސްޓޭޝަންސް، އޮޓޯކްލޭވް ރޫމްސް، އެޑްމިން ރޫމް، ބްރީފިން ރޫމް، ޔުޓިލިޓީ ރޫމްސް، ޓީރޫމް، ޑޮނިންގް، ޑޮފިން އަދި ވަކިން ނަމާދު ކުރެވޭ ގޮތަށް ނަމާދު ކޮޓަރިއެއް ވެސް ހުންނާނެ ކަމަށް ހެލްތު މިނިސްޓްރީން ބުންޏެވެ. އޭގެ އިތުރަށް އެ އިމާރާތުގެ ފުރަތަމަ ފަންގިފިލާގައި، މަލްޓިޕާރޕޯސް ހޯލެއް ވެސް ހުންނާނެއެވެ. އެ މަޝްރޫއު ކުރިއަށް ގެންދަނީ އޭޝިއަން އިންފްރާސްޓްޗާ އިންވެސްޓްމަންޓް ބޭންކް (އޭއައިއައިބީ)ގ އެހީގެ ދަށުން ނެވެެ. ކުޅުދުއްފުށީ ރީޖަނަލް ހޮސްޕިޓަލުން މިހާރު ހިދުމަތް ހޯދުމަށް އައިސް، އެޑްމިޓް ކުރަންޖެހިއްޖެ ހާލަތެއްގައި އެޑްމިޓްކުރަން ޖެހެނީ ވޯޑުގައެވެ. އެހެން ނަމަވެސް އެކި ރަށްރަށުން ދަތުރުކޮށްފައި އައިސް ވޯޑުގައި އެޑްމިޓްކޮށްގެން ދިގު މުއްދަތަކަށް ހިދުމަތްދޭންޖެހޭ ހާލަތްތަކުގައި އެހީތެރިޔާއަށް ވެސް އަދި ބަލިމީހާއަށް ވެސް ދަތިތަކެއް ދިމާވާ ކަމަށް ހެލްތު މިނިސްޓްރީން ބުންޏެވެ. އެގޮތުން އެހީތެރިޔާއަށް ވެސް އޮށޯވެލެވޭނެ ގޮތް ނުވެވުމާއި، ބައެއް ހާލަތްތަކުގައި ރަށުން ތަންތަން ކުއްޔަށް ހިފަންޖެހުން ފަދަ ކަންކަން ދިމާވެއެވެ. ނަމަވެސް ޕްރައިވެޓް ފެސިލިޓީއާ އެކު އެކަމަށް ކޮންމެވެސް ވަރެއްގެ ހައްލެއް ލިބިގެންދާނެ ކަމަށް މިނިސްޓްރީން ބުންޏެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.