Tuesday, 17 November 2026
Advertisement
HDC — Share-Below (leaderboard)
ޚަބަރު

ދެކުނުގެ ހަތަރު އަތޮޅު ،ވައިގެ ދަތުރުފަތުރުން ގުޅާލައިފި

ދެކުނުގެ ހަތަރު އަތޮޅު ،ވައިގެ ދަތުރުފަތުރުން ގުޅާލައިފި

ރާއްޖޭގެ އެންމެ ދެކުނުގެ ހަތަރު އަތޮޅު މޯލްޑިވިއަންއިން ވައިގެ މަގުން ގުޅާލައިފިއެވެ.

"ސަދަން ކަނެކްޓިވިޓީ"ގެ ހިދުމަތުގެ ނަމުގައި އެ ހިދުމަތް ތައާރަފްކުރީ އައްޑޫގެ ގަން އިންޓަނޭޝަނަލް އެއާޕޯޓްގައި މިއަދު ހަވީރު ބޭއްވި ހާއްސަ ރަސްމިއްޔާތެއްގައެވެ.

ޓްރާންސްޕޯޓް މިނިސްޓްރީން ބުނީ ސަދަން ކަނެކްޓިވިޓީ ހިދުމަތުގެ ދަށުން ދަތުރުތައް ފަށާނީ އަންނަ އާދިއްތަ ދުވަހު ކަމަށެވެ. އެއާ އެކު ގއ. ގދ. އައްޑޫ އަދި ފުވައްމުލަކަށް ވައިގެ ދަތުރުތައް ބާއްވާނެއެވެ.

Advertisement
HDC — Sidebar (box)

ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވީ އެ ހިދުމަތަކީ ދެކުނުގެ ހަތަރު އަތޮޅުގެ ރައްޔިތުންނަށް ތަނަވަސްކަމާއި ފާގަތިކަން ގެނެސްދޭނެކަމަށް ވެގެންދާނެ ކަމަށް އުއްމީދުކުރައްވާ ކަމަށެވެ.

"މިއީ ރައްޔިތުންގެ ޒަރޫރީ ބޭނުންތަކަށް ވެސް ގުޅިފައިވާ ކަމެއް. ތައުލީމާއި ވަޒީފާއާއި އަދި ހާއްސަކޮށް އައްޑޫއާއި ތިނަދޫގައި ހުރި ހޮސްޕިޓަލުތަކަށް ސިއްހީ ފަރުވާއަށް ދަތުރުކުރާ ރައްޔިތުންނަށް މި ދަތުރުތަކުގެ ސަބަބުން ބޮޑު ލުޔެއް ލިބިގެންދާނެ" މިނިސްޓަރު ވިދާޅުވިއެވެ.

https://twitter.com/MaldivianAero/status/2016903134355083338

އެ ދަތުރުތަކުގެ އަގުތައް މިހާރު މޯލްޑިވިއަންއިން ވަނީ އާންމުކޮށްފައެވެ. އެއީ 500އާއި 900ރުފިޔާއާ ދެމެދުގެ އަގުތަކެކެވެ.

ދެކުނުގެ ހަތަރު އަތޮޅު ވައިގެ ދަތުރުތަކުގައި ބޭނުންކުރާނީ ސީޕްލޭންގެ ހިދުމަތް ބޭނުން "ޓްވިން އޮޓާ" މަރުކާގެ ކުޑަ މަތިންދާބޯޓުތަކުގެ ފުރޮޅު ހަރުކޮށްގެންނެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.