ތޮއްޑުއަށް ސީޕްލޭންގެ ހިދުމަތް ފަށައިފި

އއ. ތޮއްޑުއަށް ސީޕްލޭންގެ ހިދުމަތް މިއަދު ފަށައިފިއެވެ.

Ads by Allied

ތޮއްޑޫގައި ސީޕްލޭން ޕްލެޓްފޯމް ޤާއިމުކޮށް މި އަހަރުގެ ފެބްރުއަރީ މަހުން ފެށިގެން ޝެޑިއުލް ދަތުރުތައް ފައްޓަވާނެކަން ރައީސް ޑރ. މުހައްމަދު މުއިއްޒު އިއުލާންކުރެއްވީ މިދިޔަ އަހަރުގެ އޮގަސްޓު މަހުއެވެ.

ރައީސްގެ ވައުދާ އެއްގޮތަށް ތޮއްޑޫގައި ސީޕްލޭންގެ ހިދުމަތް މިއަދު އިފްތިތާހުކޮށް އެކަމަށް ހާއްސަ ރަސްމިއްޔާތެއް ވަނީ ބާއްވައިފައެވެ.

ފަތުރުވެރިން ގިނަ އަދަދަކަށް ގޮސްއުޅޭ ތޮއްޑޫއަށް ކުރާ ދަތުރެއްގެ އަގަކީ 799ރުފިޔާއެވެ.

އެ ދަތުރުތައް ފެށުމާ ގުޅިގެން ޓްރާންސްޕޯޓް މިނިސްޓަރު މުހައްމަދު އަމީން މިއަދު އެކްސްގައި ވިދާޅުވީ މިއަދަކީ އަރިއަތޮޅު އުތުރުބުރީ ތޮއްޑޫގެ ރައްޔިތުންނަށް ނުހަނު އުފާވެރި ދުވަހެއް ކަމަށެވެ. އެގޮތުން ރައީސް މުއިއްޒު ގެންގުޅުއްވާ ތަރައްޤީގެ ސިޔާސަތުތަކުގެ ދަށުން، މޯލްޑިވިއަންއިން ފެށި އެ ހިދުމަތުގެ ސަބަބުން، އަތޮޅާއި ރަށުގެ ޓޫރިޒަމް ދާއިރާ އިތުރަށް ކުރިއަރައި، އާންމު ރައްޔިތުންނަށް ދަތުރުފަތުރު ކުރުމުގައި ބޮޑެތި ފަސޭހަތަކެއް ލިބިގެންދާނެކަމަށް މިނިސްޓަރު ވިދާޅުވިއެވެ.

ތޮއްޑުއާ އެކު މި ފަހުން ސީޕްލޭންގެ ހިދުމަތް ފެށީ ރަށްތަކުގެ ތެރޭގައި ބ.ކަމަދޫ އަދި ނ.ވެލިދޫ ހިމެނެއެވެ.