މެދު އިރުމަތި ނޫން ގައުމުތަކުގެ އެއާލައިންތައް އިތުރުކުރަން މަސައްކުރަނީ
މެދު އިރުމަތި ނޫން ގައުމުތަކުގެ އެއާލައިންތައް އިތުރުކުރަން މަސައްކުރަމުންދާކަމަށް ޓްރާންސްޕޯޓް މިނިސްޓްރީން މިއަދު ބުނެފިއެވެ.
އިސްރާއިލާއި އެމެރިކާއިން އިއްޔެ އިރާނާ ދެކޮޅަށް ފެށި ހަނގުރާމައިގެ ހުޅުފަޅައިގެން ގޮސް އިރާނުން މިހާރު ވަނީ ރައްދުގައި އިސްރާއިލަށާއި މެދު އިރުމަތީގެ ގައުމުތަކުގައި ހުންނަ އެމެރިކާގެ ބޭސްތަކަށް ވަރުގަދަ ހަމަލާތަކެއް ދެމުންނެވެ. އެއާއެކު ރާއްޖެއަށް ދަތުރުކުރާ އެމިރޭޓްސް، ގަތަރު އެއާވޭސް، ފްލައި ދުބާއީ ފަދަ އެއާލައިންތަކުގެ ދަތުރުތަކަށް ވަނީ ބުރޫ އަރައިފައެވެ.
ޓްރާންސްޕޯޓް މިނިސްޓްރީން ބުނީ މަސްރަހު ވަރަށް ގާތުން ބަލަމުންދާ ކަމަށާއި އަދި މެދުއިރުމައްޗާއި ރާއްޖެއާއި ދެމެދު ކުރަމުންދާ ފްލައިޓުތަކަށް ބުރޫ އެރި ނަމަވެސް އެހެން އެއާލައިންތަކުގެ ދަތުރުތައް ތާވަލާ އެއްގޮތަށް މިހާރު ކުރިއަށްދާ ކަމަށެވެ.
މިނިސްޓްރީން ބުނީ މިހާރުގެ ހާލަތުން ކުރާ އަސަރުތައް ކުޑަކުރުމަށްޓަކައި ދެކުނު އިރުމަތީ އޭޝިއާ، އިރުމަތީ އޭޝިއާ އަދި އިންޑިއާގެ އިތުރު އެއާލައިންތައް ރާއްޖެއަށް ގެނައުމާ ގުޅޭ ގޮތުން އެ ފަރާތްތަކާއެކު މަޝްވަރާކުރަމުންދާ ކަމަށް ވެސް މިނިސްޓްރީން ބުންޏެވެ.
ޓްރާންސްޕޯޓް މިނިސްޓްރީން އިތުރަށް ބުނި ގޮތުގައި އެ މިނިސްޓްރީގެ އަމާޒަކީ ރާއްޖެއަށް ޒިޔާރަތްކުރާ ފަތުރުވެރިންނާއި ރާއްޖެއިން ބޭރަށް ދަތުރުކުރާ ދިވެހީންނާއި ރާއްޖޭގައި ދިރިއުޅޭ މީހުންނަށް ދިމާވެދާނެ ދަތިތައް ކުރުމެވެ.
