ލާމު ލިންކު ރޯޑުގައި ކާރެއް ކޮންޓްރޯލް ނުވެ ގޮސް އެކްސިޑެންޓު ވެއްޖެ
ލާމު ލިންކު ރޯޑުގައި ކާރެއް ކޮންޓްރޯލް ނުވެ ގޮސް އެކްސިޑެންޓެއް ހިނގައިފިއެވެ.
Ads by Allied
ފުލުހުން މިއަދު މީޑިއާތަކާ ހިއްސާކުރި މެސެޖުގައި ބުނީ އެ ހާދިސާ ހިނގީ މިއަދު 02:30ކަންހާއިރު ލ. ފޮނަދޫ ބަރާސިލް އަވަށު ލިންކް ރޯޑުން ދަތުރުކުރި ކާރެއް ކޮންޓްރޯލް ނުވެ ގޮސް މަގުގެ ޑިވައިޑާއަށް އަރައި މަގު ބައްތީގައި ޖެހިގެން ކަމަށެވެ.
އެ އެކްސިޑެންޓުގައި ކާރުގައި ތިބި ދެ މީހުންނަށް އެކި ވަރުގެ އަނިޔާ ލިބިގެން ހޮސްޕިޓަލުގައި ފަރުވާދެމުންދާ ކަމަށް ފުލުހުން ބުންޏެވެ.
އެ މީހުންނަށް ލިބުނު އަނިޔާގެ ތަފްސީލެއް ފުލުހުން ނުދެއެވެ.
ކާރު ދުއްވަން އިން މީހާގެ ލައިސަންސް އޮންނަ ކަމަށާއި އެ މައްސަލަ އިތުރަށް ބަލަމުންދާ ކަމަށް ފުލުހުން ބުންޏެވެ.
