ރާއްޖެއިން ޙައްޖަށް ފުރާ ފުރަތަމަ ގާފިލާގެ ދަތުރު މި މަހުގެ 15ގައި ފުރުމަށް ނިންމައިފި

މިއަހަރުގެ ޙައްޖުގެ މަތިވެރި އަޅުކަން އަދާކުރުމަށްޓަކައި ދިވެހިރާއްޖެއިން ސައުދީ އަރަބިއްޔާއަށް ދަތުރުކުރާ ޙައްޖުވެރިންގެ ފުރަތަމަ ގުރޫޕް، މި ހިނގާ މަހުގެ 15ވަނަ ދުވަހު ފުރުމަށް ހަމަޖެހިފައިވާކަން މޯލްޑިވްސް ޙައްޖު ކޯޕަރޭޝަނުން ހާމަކޮށްފިއެވެ.

ޙައްޖުވެރިންނަށް ބޭނުންވާ އެންމެހާ އިންތިޒާމުތައް ކުރިން ރޭވުމަށްޓަކައި، އެ ކޯޕަރޭޝަނުގެ ޚާއްޞަ އެޑްވާންސް ޓީމެއް މާދަމާ ސައުދީއަށް ފުރާނެކަމަށް އެ އިދާރާއިން މަޢުލޫމާތުދެއެވެ. ދިވެހި ޙައްޖުވެރިން މިއަހަރު މުޤައްދަސް ބިމަށް ގެންދިއުމަށް ހަތަރު ފްލައިޓެއް ބޭއްވުމަށް ވަނީ ހަމަޖެހިފައެވެ. އެއީ ގައުމީ އެއާލައިން "މޯލްޑިވިއަން" ގެ ދެ ފްލައިޓަކާއި، "ސައުދިއާ" އެއާލައިންގެ ދެ ފްލައިޓެކެވެ.

އިސްލާމީ ކަންތައްތަކާ އައުޤާފާ ބެހޭ ވުޒާރާއިން ބަޔާންކޮށްފައިވާ ގޮތުގައި، މިއަހަރު ރާއްޖެއިން ޙައްޖަށްދާ އެއްހާސް މީހުންގެ ތެރެއިން ފަސްސަތޭކަ މީހުން އުފުލާނީ މޯލްޑިވިއަން މެދުވެރިކޮށެވެ. އަދި ފާއިތުވި އަހަރެކޭ އެއްފަދައިން، މި ފަހަރުވެސް ދިވެހިންގެ ދަތުރުތައް ކުރިއަށްދާނީ ސައުދީ ސަރުކާރުގެ "މައްކާ ރޫޓް" އިނިޝިއޭޓިވްގެ ފަސޭހަ ނިޒާމުގެ ތެރެއިންކަން ފާހަގަކޮށްލެވެއެވެ.

އިސްލާމީ ކަލަންޑަރުގައިވާ ގޮތުން، މިއަހަރުގެ ޙައްޖު ދުވަސް ނުވަތަ އަރަފާތް ދުވަހެއް ކަމުގައި ކަނޑައެޅިފައި ވަނީ މި މަހުގެ 26 ވާ އަންގާރަ ދުވަހެވެ.