ގައުމީ ޤުރުއާން މުބާރާތުގެ އޮޑިޝަންއަށް 3000އަށް ވުރެ ގިނަ މީހުން ރަޖިސްޓްރީކޮށްފި
މި އަހަރު ބާއްވާ 38 ވަނަ ގައުމީ ޤުރުއާން މުބާރާތުގެ އޮޑިޝަންގައި ބައިވެރިވުމަށް 3000އަށް ވުރެ ގިނަ މީހުން ރަޖިސްޓްރީކޮށްފި އެވެ.
އެ މުބާރާތުގައި ބައިވެރިވުމުގެ ފުރުސަތު ކީރިތި ޤުރުއާނާ ބެހޭ މަރުކަޒުން ހުޅުވާލީ މި މަހުގެ ތިން ވަނަ ދުވަހު އެވެ. އެއީ އިއްޔެގެ ނިޔަލަށެވެ.
އިސްލާމިކް މިނިސްޓްރީން ބުނީ މުއްދަތު ހަމަވި އިރު މުބާރާތުގ އޮޑިޝަންގައި ބައިވެރިވާން 3053 ބައިވެރިން ރަޖިސްޓްރީކޮށްފައިވާ ކަމަށެވެ.
މިދިޔަ އަހަރުން ފެށިގެން ގައުމީ ޤުރުއާން މުބާރާތް ބާއްވަމުން ދަނީ ސީދާ ސަރުކާރުގެ ހަރަދުގަ އެވެ.
އެ މުބާރާތުން އެއްވަނަ ހޯދާ ދަރިވަރުންނަށް އެ ދަރިވަރުން ބޭނުން ގައުމަކުން ޕީއެޗްޑީއާ ހަމައަށް ކިޔެވޭ ގޮތަށް ރައީސްގެ ހާއްސަ ސްކޮލަޝިޕެއް ވެސް ދޭން ފަށާނެ ކަމަށް ރައީސް ޑރ. މުހައްމަދު މުއިއްޒު މިދިޔަ އަހަރު އޮތީ އިއުލާންކުރައްވައިފަ އެވެ.
މިދިޔަ އަހަރު ބޭއްވި ގައުމީ ޤުރުއާން މުބާރާތުގައި 1000އަށް ވުރެ ގިނަ މީހުން ބައިވެރިވި އެވެ.
