Monday, 16 November 2026
Advertisement
Ooredoo — Airfibre (leaderboard)
ޚަބަރު

ކާބޯތަކެތީގެ ޚިދުމަތްދޭ ތަންތަން ރޭޑުކޮށް، އަށް ބިދޭސީއަކު ހައްޔަރުކޮށްފި

ކާބޯތަކެތީގެ ޚިދުމަތްދޭ ތަންތަން ރޭޑުކޮށް، އަށް ބިދޭސީއަކު ހައްޔަރުކޮށްފި

ކާބޯތަކެތީގެ ޚިދުމަތްދޭ ތަންތަން ބަލައިފާސްކޮށް އަށް ބިދޭސީއަކު މޯލްޑިވްސް އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.

މި ހަރަކާތުގެ ތެރެއިން މާލޭގައި ކާބޯތަކެތި ވިއްކާ ކެފޭތަކާއި ޓޭކްއަވޭ ހަދައިދޭ ހަ ތަނެއް ވަނީ ފާސްކޮށްފައެވެ. އެ ތަންތަނުގައި އުޅެމުންދިޔަ 28ބިދޭސީއެއްގެ ލިޔެކިޔުންތައް ބަލައި ޗެކްކުރިއިރު، އޭގެ ތެރެއިން އަށް މީހަކީ ޤާނޫނާ ޚިލާފަށް ރާއްޖޭގައި ވަޒީފާ އަދާކުރަމުންދިޔަ މީހުންކަން ވަނީ ހާމަވެފައެވެ. އެ މީހުން މިހާރު ތިބީ އިމިގްރޭޝަންގެ ބެލުމުގެ ދަށަށް ގެންދެވިފައެވެ.

https://twitter.com/ImmigrationMV/status/2082733073683370305

Advertisement
Ooredoo — Truecaller (box)

ރާއްޖޭގައި ބިދޭސީން ޤަވާއިދާ ޚިލާފަށް އުޅޭ މައްސަލައަށް ދާއިމީ އަދި ވަށައިޖެހޭ ޙައްލެއް ހޯދުމަކީ ސަރުކާރުގެ މުހިންމު އަމާޒެކެވެ. މިގޮތުން، މިފަދަ ކުއްލި ފާސްކުރުންތައް މާލެ ސިޓީގެ އިތުރުން ރާއްޖޭގެ އެކި ރަށްރަށުގައި ވެސް މެދުކެނޑުމެއްނެތި ކުރިއަށް ގެންދާނެކަން ކަމާ ބެހޭ ފަރާތްތަކުން ވަނީ އިއުލާންކޮށްފައެވެ.

މިހާތަނަށް ކުރެވުނު މަސައްކަތްތަކަށް ބަލާއިރު، އިމިގްރޭޝަނުން ވަނީ ރާއްޖޭގައި ހުއްދަނެތި އުޅެމުންދިޔަ ބާރަހާހަށްވުރެ ގިނަ ބިދޭސީން ހޯދައި، އެމީހުންގެ އަމިއްލަ ޤައުމަށް އަނބުރާ ފޮނުވާލާފައެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.