Monday, 16 November 2026
Advertisement
Ooredoo — Article-Top (leaderboard)
ޚަބަރު

އުތުރު ފަރާތު އައު ތޮށިގަނޑުގެ ބައެއް ދިފާއީ ވުޒާރާއަށް ޚާއްޞަކޮށް، އެހެން އުޅަނދުތަކަށް މަނާކޮށްފި

އުތުރު ފަރާތު އައު ތޮށިގަނޑުގެ ބައެއް ދިފާއީ ވުޒާރާއަށް ޚާއްޞަކޮށް، އެހެން އުޅަނދުތަކަށް މަނާކޮށްފި

މާލޭގެ އުތުރު ފަރާތުން ބޮޑުތަކުރުފާނު މަގު ތަރައްޤީކުރުމުގެ ބިޔަ މަޝްރޫޢުގެ ދަށުން އަލަށް ބިނާކުރި އެއްގަމު ތޮށީގެ ވަކި ސަރަޙައްދެއް ހަމައެކަނި ދިފާޢީ ވުޒާރާގެ އުޅަނދުފަހަރަށް ޚާއްޞަކޮށް، އާންމު އެހެން އުޅަނދުތައް އެ ސަރަޙައްދާ ކައިރިކުރުން މަނާކޮށްފިއެވެ.

ބިނާރާއި ގެދޮރުވެރިކަމާއި އުމްރާނީ ތަރައްޤީއާ ބެހޭ ވުޒާރާއިން ނެރުނު އިއުލާނެއްގައި ވާގޮތުން، ޝަހީދު ޙުސައިން އާދަމް ބިލްޑިންގާ ހިސާބުން ފެށިގެން ދޮށިމޭނާ ބިލްޑިންގާ ހަމައަށް އޮންނަ ސަރަޙައްދަކީ މިހާރު ހަމައެކަނި ޑިފެންސް މިނިސްޓްރީގެ ބޭނުންތަކަށް ކަނޑައެޅިފައިވާ އެކްސްކްލޫސިވް ޒޯނެކެވެ. އެހެންކަމުން، 4 އޮގަސްޓުން ފެށިގެން އެ އިދާރާގެ އުޅަނދުތައް ފިޔަވައި އެހެން އެއްވެސް ބާވަތެއްގެ އުޅަނދެއް މި ސަރަޙައްދުގެ އެއްގަމު ތޮއްޓާ ކައިރިކުރުމަކީ ކަނޑައެޅިގެން މަނާކަމެއްކަމަށް އެ ވުޒާރާއިން ވަނީ އަންގާފައެވެ.

ބޮޑުތަކުރުފާނު މަގު ޒަމާނީ ފެންވަރަށް ތަރައްޤީކޮށް ބޭރުމަގު ހެދުމުގެ ގޮތުން، މީގެ ކުރިން ވަނީ މާލޭގެ އުތުރު ފަރާތު ފަޅުން ވަރަށް ބޮޑު ބައެއް ހުސްކޮށްފައެވެ. މި މަޝްރޫޢުގެ ދަށުން ގިނަ މަސައްކަތްތަކެއް ނިންމައި މިހާރު ވަނީ އާންމުކޮށް ހުޅުވާލާފައެވެ. ތާރީޚީ ގޮތުން ބަލާއިރު ވެސް، މިހާރު ޚާއްޞަކުރެވުނު ސަރަޙައްދުގެ ބޮޑު ބަޔަކީ ކުރިން ވެސް ސިފައިންގެ އުޅަނދުފަހަރު ބޭއްވުމަށް ބޭނުންކުރަމުން އައި ސަރަޙައްދެއްކަން ފާހަގަކުރެވެއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.