Tuesday, 17 November 2026
Advertisement
Ooredoo — Airfibre (leaderboard)
ޚަބަރު

ދެ ރަށެއްގެ ކަރަންޓުގެ ފެންވަރު ރަނގަޅު ކުރުމަށް އައު ޖަނަރޭޓަރު ގެންގޮސްފި

ދެ ރަށެއްގެ ކަރަންޓުގެ ފެންވަރު ރަނގަޅު ކުރުމަށް އައު ޖަނަރޭޓަރު ގެންގޮސްފި

ހއ. ހޯރަފުއްޓާއި ހދ. ހަނިމާދޫގެ ކަރަންޓުގެ ހިދުމަތް ރަނގަޅު ކުރުމަށް ފެނަކައިން އާ ޖަނަރޭޓަރު ފޮނުވައިފިއެވެ.

ފެނަކައިން މައުލޫމާތު ދިން ގޮތުގައި އެ ދެ ރަށަށް އައު ޖަނަރޭޓަރު ފޮނުވާފައި ވަނީ އެ ދެ ރަށުގެ ހިދުމަތް ހަރުދަނާކޮށް ކަރަންޓު އުފައްދާ މިންވަރު އިތުރުކުރުމަށް ކަމަށާއި އަދި އެ ދެ ރަށުގެ ކަރަންޓު އުފެއްދުމުގެ ޖުމްލަ ގާބިލުކަން އިތުރުުވާނެއެވެ.

https://twitter.com/TeamFenaka/status/2091450135310159909

Advertisement
Ooredoo — Square (box)

ހޯރަފުއްޓަށް ގެންގޮސްފައި ވަނީ 1000 ކިލޯވޮޓްގެ ޖަނަރޭޓަރެއް ކަމަށް ފެނަކައިން ބުނެފައިވެއެވެ. މިހާރު އެ ރަށުގެ ކަރަންޓު އުފެއްދުމުގެ ކެޕޭސިޓީ އަކީ 2720 ކަމަށާއި މި އާ ޖަނަރޭޓަރާ އެކު 3350 ކިލޯވޮޓަށް އިތުރު ކުރެވޭނެ ކަމަށް ވެސް ބުނެފައިވެއެވެ. އަދި ހދ. ހަނިމާދޫއަށް ގެންގޮސްފައި ވަނީ 1200 ކިލޯވޮޓްގެ އައު ޖަނަރޭޓަރެއް ކަމަށާއި އަލަށް ގެންދިޔަ ޖަނަރޭޓަރު ބޭނުން ކުރަން ފެށުމުން ރަށުގެ ކަރަންޓު އުފެއްދުމުގެ ޤާބިލުކަން 4400 ކިލޯވޮޓަށް މަތިވެގެންދާނެ ކަމަށް ވެސް ފެނަކައިން ބުނެފައިވެއެވެ.

https://twitter.com/TeamFenaka/status/2091422442774507796

މި ބަދަލާ އެކު އެ ދެ ރަށުގެ އިންޖީނުގެއަށް ދިމާވެފައިވާ ޖާގައިގެ ދަތިކަމާއި، ޕީކް ގަޑިތަކުގައި ކަރަންޓަށް އޮންނަ ޑިމާންޑަށް އެކަށީގެންވާ ހައްލެއް ލިބި، ރަށުގެ ކަރަންޓު ވިއުގަ އިތުރަށް ވަރުގަދަވާނެ ކަމަށް ބެލެވެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.