ރާއްޖެ އެތެރެކުރަން އުޅުނު 27 މިލިއަން ރުފިޔާގެ މަސްތުވާތަކެތި ހުއްޓުވައިފި
ރާއްޖެ އެތެރެކުރަން އުޅުނު 27 މިލިއަން ރުފިޔާގެ މަސްތުވާތަކެތި އިންޑިއާއިން ހުއްޓުވައިފިއެވެ.
އިންޑިއާގެ ނޫސްތަކުން ބުނީ އެ މަސްތުވާތަކެތި އަތުލައިގަތީ އިންޑިއާޣެ ޓެމިލް ނާޑޫއިން ކަމަށެވެ.
އެގޮތުން 67 ކިލޯގެ ހަޝިޝް ތެޔޮ ރާއްޖެއަށް ފޮނުވަން ނިންމާފައި އޮތީ ބޯޓަކުން ކަމަށް ވެސް ނޫސްތަކުން ބުނެފައި ވެއެވެ. އެ މައްސަލައިގައި ހަތަރު މީހަކު ވެސް ވަނީ ހައްޔަރުކޮށްފައެވެ. ނަމަވެސް އެ މީހުންގެ ވަނަވަރު ހާމައެއް ނުކުރެއެވެ.
އެ މަސްތުވާތަކެތި ބޯޓަށް އަރުވަން ބޭނުންކުރި ވެހިކަލް ވެސް އިންޑިއާގެ ފުލުހުން މިހާރު ވަނީ ހޯދައިފައެވެ. އެ މައްސަލަ އިތުރަށް އިންޑިއާގެ ފުލުހުން މިހާރު ދަނީ ތަހުގީގުކުރަމުންނެވެ.
މި ހަފްތާ ރާއްޖެއަށް 11 ކިލޯގެ ކެނެބިސް އެތެރެކުރަން އުޅެނިކޮށް ވެސް ކަސްޓަމްސްއިން ވަނީ އަތުލައިގެންފައެވެ.
