ބޭރު މަގުގައި ޤަވާއިދާ ޚިލާފަށް ފާރކުކޮށްފައިވާ އުޅަނދުތައް ޓޯކުރަން ފަށައިފި
މާލޭގެ ބޮޑުތަކުރުފާނު މަގުގައި އާންމު ދަތުރުފަތުރަށް ހުރަސްއެޅޭ ގޮތަށް، ގަވާއިދާ ޚިލާފަށް ޕާކުކޮށްފައި ހުރި އުޅަނދުތައް ނަގައި، އެ މަގުގެ ޓްރެފިކް ތަރުތީބު ކުރުމުގެ ހާއްސަ މަސައްކަތެއް ދިވެހި ފުލުހުންގެ ޚިދުމަތުން ފަށައިފިއެވެ.
ފުލުހުންގެ ޚިދުމަތުން ބުނީ، މި އޮޕަރޭޝަންގެ ދަށުން ރޭގަނޑުން ފެށިގެން މިހާތަނަށް ވަނީ ހަތަރު ފުރޮޅުލީ ނުވަ އުޅަނދެއް ޓޯކޮށްފައެވެ. އަދި ޤަވާއިދާ ޚިލާފަށް މަގުމަތީގައި ދޫކޮށްފައިވާ އިތުރު އުޅަނދުތައް ނެގުމުގެ މަސައްކަތް ރޭ ވެސް މެދުކެނޑުމެއްނެތި ކުރިއަށް ގެންދާނެކަން އެ އިދާރާއިން ކަށަވަރުކޮށްދީފައިވެއެވެ.
މި ފިޔަވަޅުތަކާ އެކު، އާންމު ދަތުރުފަތުރަށް ދަތިވާގޮތަށް އުޅަނދުތައް ޕާކުނުކުރުމަށާއި، މިހާރު ވެސް އެފަދަ ގޮތަކަށް ބަހައްޓާފައިވާ އުޅަނދުތައް ވީހާ ވެސް އަވަހަކަށް ނެގުމަށް ފުލުހުން ވަނީ އާންމުންނަށް އިލްތިމާސްކޮށްފައެވެ. މީގެ އިތުރުން، މިކަމުގައި ރައްޔިތުންގެ ފަރާތުން ލިބެމުންދާ ފުރިހަމަ އެއްބާރުލުން ފާހަގަކޮށް ފުލުހުން ވަނީ ޝުކުރު އަދާކޮށްފައެވެ.
ފާހަގަކޮށްލެވޭ ގޮތުގައި، މި ސަރުކާރުން އަންނަނީ ބޮޑުތަކުރުފާނު މަގުގެ ބޮޑު ބައެއް ޒަމާނީ ފެންވަރަށް ތަރައްގީކޮށް، ހާއްސަ ޕާކިން ޒޯންތަކެއް ކަނޑައެޅުމުގެ މަސައްކަތް ކުރަމުންނެވެ. ނަމަވެސް، ކަނޑައެޅިފައިވާ ސަރަހައްދުތަކުގެ ބޭރުން ޕާކުކުރުމުގެ ސަބަބުން މަގު ބޭނުންކުރާ ފަރާތްތަކަށް އިންތިހާއަށް ދަތިތަކާ ކުރިމަތިލާންޖެހޭކަން އާންމުން ވެސް އަންނަނީ ފާހަގަކުރަމުންނެވެ.
ސާބަހޭ ޕުލުހުން މައް