Tuesday, 17 November 2026
Advertisement
MWSC — SmartMeter (leaderboard)
ޚަބަރު

އެޗްއާރްސީއެމްގެ މެންބަރުކަމުގެ މަގާމަށް ޝަމްޢޫން އައްޔަންކުރައްވައިފި

އެޗްއާރްސީއެމްގެ މެންބަރުކަމުގެ މަގާމަށް ޝަމްޢޫން އައްޔަންކުރައްވައިފި

އިންސާނީ ހައްގުތަކާ ބެހޭ ޤައުމީ ކޮމިޝަން (އެޗްއާރްސީއެމް)ގެ މެންބަރުކަމުގެ މަގާމަށް ހ. މީނާޒް، ޝަމްޢޫން ޙަމީދު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ހެނދުނު ރައީސް އޮފީހުގައި ބޭއްވި ހާއްސަ ރަސްމިއްޔާތެއްގައި އައްޔަންކުރައްވައިފިއެވެ.

މި ރަސްމިއްޔާތުގައި އޭނާއަށް މަގާމުގެ ފަތްކޮޅު ރައީސް އަރުވާފައިވާއިރު، މެންބަރުކަމުގެ ގާނޫނީ ހުވާ ލައިދެއްވީ ދިވެހިރާއްޖޭގެ ސުޕްރީމް ކޯޓުގެ ފަނޑިޔާރު ޑރ. މުޙައްމަދު އިބްރާހީމްގެ ކުރިފުޅުމަތީގައެވެ.

މީގެ ކުރިން ވެސް އެޗްއާރްސީއެމްގައި އިސް ދައުރުތަކެއް އަދާކުރައްވާފައިވާ ޝަމްޢޫން ވަނީ 2012އިން 2016އަށް އެ މުއައްސަސާގެ ސެކްރެޓަރީ ޖެނެރަލްކަން ކުރައްވާފައެވެ. އަދި އޭގެ ކުރިން 2010އިން 2012އަށް އޭނާ ހުންނެވީ ކޮމިޝަނުގެ ތަހުގީގުތަކާ ބެހޭ ޑިޕާޓްމަންޓުގެ ޑިރެކްޓަރުގެ ގޮތުގައެވެ. ހަމައެހެންމެ، އޭނާއަކީ ޔޫޕީއާރް ރިޕޯޓު އެކުލަވާލުމުގައި ފޯކަލް ޕޮއިންޓުގެ ގޮތުގައި ހަރަކާތްތެރިވެ، ކުޑަކުދިންގެ ޙައްޤުތަކާއި ނުކުޅެދުންތެރިކަން ހުންނަ ފަރާތްތަކުގެ ތަޢުލީމީ ފުރުސަތުތައް ދެނެގަތުމަށް ހެދި ޤައުމީ ދިރާސާތަކުގައި އިސްކޮށް މަސައްކަތްކުރައްވާފައިވާ ބޭފުޅެކެވެ.

Advertisement
Allied Insurance — Square (box)

އިންސާނީ ޙައްގުތަކުގެ ދާއިރާއިން ފުޅާ ތަޖުރިބާތަކެއް ހާސިލުކުރައްވާފައިވާ ޝަމްޢޫން، އެންމެ ފަހުން ހުންނެވީ ދިވެހިބަހާއި ސަގާފަތާއި ތަރިކައާ ބެހޭ ވުޒާރާގެ ޕާމަނަންޓް ސެކްރެޓަރީގެ މަޤާމުގައެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.