މަރުގެ އަދަބު އުވާލެވޭނީ ދިވެހި ރައްޔިތުން ބޭނުންވާނަމަ: އެޓާނީ ޖެނެރަލް
މަރުގެ އަދަބު އުވާލެވޭނީ ދިވެހި ރައްޔިތުން އެގޮތް ބޭނުންވާނަމަ ކަމަށް އެޓާނީ ޖެނެރަލް އިބްރާހިމް ރިފްއަތު ވިދާޅުވެއްޖެއެވެ.
ޔުނިވާސަލް ޕީރިއޮޑިކް ރިވިއު (ޔޫޕީއާރު) ގެ ތިންވަނަ ސައިކަލްގައި މިރޭ ވާހަކަ ދައްކަވަމުން އޭޖީ ރިފްއަތު ވިދާޅުވީ ރާއްޖެއިން މަރުގެ އަދަބު އުވާލުމަށް ޤައުމުތަކުން ގޮވާލާ ކަމަށެވެ.
އޭޖީ ވިދާޅުވީ މިހާރު ހުރި ގާނޫނުތަކަށް ރައްޔިތުންގެ މަޖިލީހުން ބަދަލު ނުގެނެސް މަރުގެ އަދަބު އުވާ ނުލެވޭނެ ކަމަށާއި، އަދި އެކަމުގައި ރައްޔިތުން ދެކޭގޮތް ނުބަލައި އެގޮތަށް ނުނިންމޭނެ ކަމަށެވެ.
"މަރުގެ އަދަބު އުވާލުމަށް ކުރާ ކޮންމެ ކަމަކީ، ރާއްޖޭގެ ގާނޫނު އަސާސީއާ އެއްގޮތަށް، ރައްޔިތުން ބޭނުންވާ ގޮތަށް ކުރާ ކަމަކަށް ވާންޖެހޭނެ" އޭޖީ ރިފްއަތު ވިދާޅުވިއެވެ.
ރާއްޖޭގައި މަރުގެ އަދަބު ދިނުން މަޑުޖައްސާފައި އޮތް އޮތުން ދަމަހައްޓާނެކަމުގެ ޔަގީންކަން ވެސް އޭޖީ ވަނީ ދެއްވައިފައެވެ.
އެންމެ ފަހުން ރާއްޖޭގައި މަރުގެ އަދަބު ދީފައިވަނީ މީގެ 67 އަހަރު ކުރިންނެވެ.
Ads by STO
