ދަރުމަވަންތަ ހޮސްޕިޓަލު ރަހުނު ކުރާކަށް ނޫޅެން: ފިނޭންސް މިނިސްޓްރީ
ބައިނަލްއަގްވާމީ މާލީ ބާޒާރަށް 300 މިލިއަން ޑޮލަރުގެ ސުކޫކެއް ވިއްކުމަށް 25 ބުރީގެ ދަރުމަވަންތަ ހޮސްޕިޓަލު ރަހުނުކުރަން އުޅޭކަމަށް ދެކެވޭ ވާހަކަތަކަކީ ހަގީގަތެއް ނެތް ވާހަކަތަކެއް ކަމަށް ފިނޭންސް މިނިސްޓްރީން ބުނެފިއެވެ.
މިކަން ހާމަކުރަމުން ފިނޭންސް މިނިސްޓްރީން ރޭގައި ނެރުނު ބަޔާނެއްގައި ބުނެފައިވަނީ 300 މިލިއަން ޑޮލަރުގެ ސުކޫކަކީ ދައުލަތަށް ބޭނުންވާ ފައިސާ ހޯދުމަށް ބަޖެޓްގައި ހިމަނައިގެން ބޭރުދުނިޔޭގައި ފާހަގަކޮށްލެވޭ ފަންނީ މާހިރުންގެ ލަފަޔާ އިރުޝާދުގެ މަތިން އިޝޫކުރުމަށް މަސައްކަތް ކުރަމުންދާ އިސްލާމިކް ފައިނޭންސިން އިންސްޓުރުމަންޓެއް ކަމަށާއި ދައުލަތުން ރައްޔިތުންގެ މަޖިލީހަށް ހުށަހަޅައި ފާސްކުރި 2020 ވަނަ އަހަރުގެ ބަޖެޓްގައި މިސުކޫކު ހިމުނުމުގެ އިތުރަށް ބަޖެޓް ސްޕީޗްގައި މި ސުކޫކަށް އަލި އަޅުވާލެވި، އަދި ރައްޔިތުންގެ މަޖިލީހުގެ ބަޖެޓް ދިރާސާ ކުރާ ކޮމިޓީއަށް ސުކޫކުގެ އެކި ކަންކަން ސާފުކޮށްދީފައިވާނެ ކަމަށެވެ.
އެމިނިސްޓްރީން ބުނީ އިސްލާމިކް ފައިނޭންސިން އިންސްޓްރޫމަންޓުތަކަކީ ކޮންވެންޝަނަލް ފައިނޭންސިން އިންސްޓުރުމަންޓުތަކާއި ހިލާފަށް ޝަރީއާ ކޮމްޕްލައަންޓް ކުރުމަށްޓަކައި އިންސްޓުރުމަންޓުގެ ސްޓްރަކްޗާގައި އެސެޓެއް ބެކް ކުރެވިގެން އިޝޫ ކުރެވޭ އިންސްޓުރުމަންޓެއް ކަމަށާއި އިސްލާމިކް ކޯޕަރޭޝަން ފޮ ދި ޕްރައިވެޓް ސެކްޓަރ (އައިސީޑީ) އާއި އެކު ވިއްކުމަށް މަސައްކަތް ކުރާ
މައިގަނޑު އަސާސަކީ އެސެޓް ބޭސްޑް ސުކޫކެއް ކަމަށެވެ.
މީގެއިތުރުން އެބަޔާނުގައި ބުނެފައިވަނީ ސުކޫކުގެ މުއްދަތު ހަމަވުމުން އެސެޓްގެ ބެނެފިޝަލް އޯނަޝިޕް ދައުލަތުގެ 100 އިންސައްތަ ހިއްސާވާ އެސް.ޕީ.ވީ އިން އަނބުރާ މިނިސްޓްރީ އޮފް ފިނޭންސަށް ނެގޭނެ ކަމަށާއި އެހެންކަމުން އެ ސުކޫކު ވިއްކުމަށް އެސެޓެއްގެ ގޮތުގައި ދަރުމަވަންތަ ހޮސްޕިޓަލްގެ ބެނެފިޝަލް އޯނަޝިޕް ބަދަލުކުރުމަކީ ޝަރުއީ އަދި ގާނޫނީ ގޮތުންވެސް ދަރުމަވަންތަ ހޮސްޕިޓަލް އެއްވެސް ފަރާތަކަށް ވިއްކާލުމެއް ނޫން ކަމަށެވެ.
"އެ ސުކޫކު އިޝޫކުރުމުގެ އެއްވެސް މަރުހަލާއެއްގައި ދަރުމަވަންތަ ހޮސްޕިޓަލްގެ މިލްކުވެރިކަން މިމިނިސްޓްރީ ފިޔަވައި އެހެން އެއްވެސް ފަރާތަކަށް ބަދަލެއް ނުކުރެވޭނެ. އެ ސުކޫކު އިޝޫކުރުމުގެ އެއްވެސް މަރުހަލާއެއްގައި ދަރުމަވަންތަ ހޮސްޕިޓަލް ރަހުނެއް ވެސް ނުކުރެވޭނެ" ފިނޭންސް މިނިސްޓްރީން ބުނެފައިވެއެވެ.
ވާނުވާގޮތެބެލުމެއްނެތިވާހަކަފުޅުދެންކުމަކީމުޖުތަމައުތައްފަސާދަކުރުމުގެގޮތުންރޯކުރާއަލިފާގަޑަކައްނުވެނުދާނެކައްކަށަވަރޭ ނަމަވެސްއެފަދައިމާރާތެއްއެވެސްބަޔަކައްވިކާއްކައް މިކޮެޓީގަބޫލެއްނޫނޭއެވެ
ހަގީގަތެއް ނެތޭ ވިދާޅުވެފައި ތިޔަ ބަޔާނުން ތިޔަ ސާބިތުކޮށްދެއްވީ އެއީ ހަގީގަތެއް އެކުލެވޭ ވާހަކައެއްކަމަށް. އަޅުގަނޑޫމެން ގެ މޯގޭޖް ކުރާ އިރު ވެސް ރަޖިސްޓަރީ އޮންނަނީ އަޅުގަނޑުގެ ނަމުގައި ލޯނު ނުދެއްކުނީމާ ގެ ނޭލަންކިޔަނީ. އެ ވާހަކ ނޫންތޯ ތިޔަ ވިދާޅުވަނީ. ދެރަކަމެއް. މި ސަރުކާރުން ދުވަހަކު ވެސް އަޅޭ ތެދެއް ހައްދަވާން ވިސްނަވާކަށް ނުވޭތޯ؟ ހިތާމަހުރި!