ތިމާގެ ބިޒީ ޝެޑިއުލްއިން ތިމާގެ އާއިލާއަށް ވަގުތު ހުސްކުރާށެވެ.
ބައެއް މީހުންނަށް ހީވެފައި އޮންނަނީ އާއިލާއަކީ މާ މުހިންމު ބައެއް ނޫން ކަމުގައެވެ. ދުވަސް ނިމޭއިރުގައި އެންމެ ފަހު ވަގުތު ވެސް އާއިލާއާ ދިމާވާނެ ކަން އެނގުމުން “އޯކޭ” ވާނެ ކަމުގައެވެ. އެހެނަސް ދުވަސް ނިމި ގެއަށް ދެވެން ދެން ވެސް ތިމާ ދުނިޔޭގައި ހުންނާނެ ކަމުގެ ޔަގީންކަން އެބަ އޮތް ހެއްޔެވެ؟
އާދޭހެވެ. ވަޒީފާ ވެސް މުހިންމެވެ. ރައްޓެހިން ވެސް މުހިންމެވެ. އެހެން ނަމަވެސް ގިނަ ފަހަރަށް ވާގޮތަކީ އާއިލާގެ މައްޗަށް މި ދެބައި އިސް ކުރެވެނީއެވެ. ކަމަކު ޖެހުމުން އެންމެ ފަހު ވަގުތު ތިމާއާއެކު ވާނީ ވެސް ހަމަ ތިމާގެ އާއިލާއެވެ. ވީއިރު އާއިލާއާއެކު ގިނަ ވަގުތު ހޭދަކުރަން އިސްކަން ދޭށެވެ.
އާއިލާއެއްގެ މުހިންމުކަން އެނގޭނީ ތިމާގެ ޙަޔާތުގައި އަންނާނެ އަޑި އަދި އެކަނިވެރި ދުވަސްތަކުގައެވެ. އެދުވަހުން ތިމާގެ އާއިލާ ނޫން އެހެން މީހަކު ތިމާއާއެކު ތިމާއަށް އެހީތެރި ވާކަށް ނުހުންނާނެއެވެ. ތިމާގެ ރިހޭ ފައި މައްޗަށް ފޮއެ ވައްޓާލުމުގެ ބަދަލުގައި އެމީހުން އެހީވެދޭނީ ތިމާގެ ރިހޭ ފައި ފަސޭހަ ކޮށްދެވޭތޯއެވެ.
އެހެންކަމުން އާއިލާއަށް ތިމާގެ ފަރާތުން ދޭން ޖެހޭ އަޅާލުމާއި އޯގާތެރިކަމުގެ އިތުރުން ތިމާގެ ހަޔާތުން ދެވެން އޮތް ވަރަކަށް ވަގުތު ހުސްކުރާށެވެ. އެހެނީ އެމީހުންނަކީ ވެސް ތިމާގެ ލޯތްބާއި އަޅާލުމާއި ތިމާގެ ވަގުތު ބޭނުންވާނެ ބަޔަކަށް ވާތީއެވެ. އެމީހުންނަކީ ވެސް ދާއިމަށް މިދުނިޔޭގައި ވާނޭ ބައެއް ނޫނެވެ.
Ads by STO
