މިދިޔަ މަހު ރާއްޖޭގެ އިމްޕޯޓާއި އެކްސްޕޯޓް 33% ދަށަށް
ފާއިތުވި ނޮވެމްބަރ މަހު އިމްޕޯޓް އަދި އެކްސްޕޯޓުން ދައުލަތަށް ލިބުނު އާމްދަނީ 2019 ވަނަ އަހަރުގެ ނޮވެމްބަރ މަހާ އަޅާބަލާއިރު 33 އިންސައްތަ ދަށްވެއްޖެއެވެ.
މޯލްޑިވްސް ކަސްޓަމްސްގެ ތަފާސް ހިސާބުތައް ދައްކާ ގޮތުން، ފާއިތުވި ނޮވެމްބަރު މަހު ރާއްޖެ އަށް އިމްޕޯޓް ވަނީ 52 ޕަސެންޓް ދަށްވެފައެވެ. އަދި މިދިޔަ އަހަރުގެ ނޮވެމްބަރު މަހު ރާއްޖެ އަށް 4.3 ބިލިއަން ރުފިޔާގެ މުދާ އިމްޕޯޓް ކޮށްފައިވާއިރު، މިދިޔަ މަހު އަދަދު އުޅެނީ 2.1 ބިލިއަން ރުފިޔާގައެވެ.
މިދިޔަ މަހުގެ ތަފާސްހިސާބަތަކަށް ބަލާއިރު، މިދިޔަ އަހަރުގެ ނޮވެމްބަރުު މަހު 303 މިލިއަން ރުފިޔާ ދައުލަތަށް ލިބިފައިވާއިރު، މި އަހަރުގެ ނޮވެމްބަރު މަހު މި އަދަދު ވަނީ 204 މިލިއަން ރުފިޔާއަށް ދަށްވެފައެވެ.
މިދިޔަ އަހަރުގެ ނޮވެމްބަރު މަހު ދިވެހިރާއްޖެއިން 417 މިލިއަން ރުފިޔާގެ މުދާ އިމްޕޯޓް ކޮށްފައިވެއެވެ. ނަމަވެސް މި އަހަރުގެ ނޮވެމްބަރު މަހު މި އަދަދު ވަނީ 224 މިލިއަން ރުފިޔާ އަށް ދަށްވެފައެވެ.
ރާއްޖެއަށް އެންމެ ގިނައިން މުދާ އެތެރެކޮށްފައިވާ ގައުމުތަކުގެ ތެރޭގައި ހިމެނޭ ޗައިނާއިން 267 މިލިއަން ރުފިޔާގެ މުދާ އެތެރެކޮށްފައިވާއިރު، ސިންގަޕޫރުން އެތެރެކޮށްފައި ވަނީ 243 މިލިއަން ރުފިޔާގެ މުދަލެވެ. އަދި އިންޑިއާއިން 235 މިިލިއަން ރުފިޔާގެ މުދާ އެތެރެކޮށްފައި ވެއެވެ.
