މިއީ ގަބުރުސްތާނު ރާއްޖެ ކަމަށް މުނައްވަރު ވިދާޅުވުމުން ރައީސް މައުމޫން ވިދާޅުވީ "ތި ވިދާޅުވީ ބަރާބަރަށް" ކަމަށް
މިއި ގަބުރުސްތާނު ރާއްޖެ ކަމަށް ވިދާޅުވެ ކުރީގެ ބަންޑާރަ ނައިބު ޑރ. މުޙައްމަދު މުނައްވަރު ފާޑު ކިޔުއްވުމުން އެކަމަށް ކުރީގެ ރައީސް މައުމޫން ޢަބްދުލްޤައްޔޫމް ތާޢީދު ކުރައްވައިފިއެވެ.
ޑރ. މުނައްވަރު މިއަދު ކުރެއްވި ޓްވީޓެއްގައި ވިދާޅުވެފައި ވަނީ "ދަ އިސްލާމިކް ރިޕަބްލިކް އޮފް ގަބުރުސްތާނު" މިފަދައިންނެވެ. އެޓްވީޓަށް ރައްދު ދެއްވަމުން ރައީސް މައުމޫން ވިދާޅުވެފައި ވަނީ "ވެލް ސެއިޑް" ކަމަށެވެ.
އަވަށްޓެރި ޝްރީލަންކާ ގައި ކޮވިޑް-19 ޖެހިގެން މަރުވާ މުސްލިމުންގެ ހަށިގަނޑުތައް ރާއްޖޭގައި ވަޅުލައި ދިނުމަށް އެދި އެޤައުމުގެ ރައީސް ގޯޓާބަޔާ ރާޖަޕަކްސާ، ރައީސް އިބްރާހިމް މުޙައްމަދު ޞާލިޙު އަރިހުން އެދިވަޑައިގަތުމުން، ކުރިގެ ރައީސް މައުމޫން ވަނީ އެކަން ކުރުމާމެދު ދެކޮޅު ހައްދަވާފައެވެ.
އެގޮތުން ރައީސް މައުމޫން ވިދާޅުވެފައި ވަނީ އެހެން ގައުމުތަކުގެ އެކި ދީންތަކުގެ މީހުން ރާއްޖެ އައިސް އުފާވެރިކަމާ އެކު ރާއްޖޭގައި އުޅެން ރާއްޖޭން މަރުހަބާ ކިޔާ ކަމަށާއި، ނަމަވެސް ކޮވިޑް-19 ޖެހިގެން މަރުވާ ބިދޭސީން ރާއްޖެ ގެނެސް ވަޅުލުމަކީ އެމަނިކުފާނަށް ތާއީދު ކުރެއްވޭ ކަމެއް ނޫން ކަމަށެވެ.
Ads by STO
