ސުޕާރީއާއެކު ޕްލާސްޓިކުގެ އަށް ބާވަތެއް މަނާކޮށްފި

ސުޕާރީ ހިމެނޭހެން އެއް ފަހަރު ބޭނުން ކޮށް އުކާލާ ޒާތުގެ ޕުލާސްޓިކުގެ ތެރެއިން ރާއްޖެ އެތެރެ ކުރުން މަނާ ބާވަތްތައް އާންމުކޮށްފިއެވެ.

Ads by Sosun Fihaara

އެއް ފަހަރު ބޭނުން ކޮށް އުކާލާ ޒާތުގެ އެކި ވައްތަރުގެ ޕުލާސްޓިކު ރާއްޖެއަށް އެތެރެ ކުރުން މަނާ ކުރާނީ މަރުހަލާތަކަކަށް ބަހާލައިގެންނެވެ. އެފަދަ ތަކެތި ރާއްޖެ އެތެރެކުރުމާއި ރާއްޖޭގައި އުފެއްދުމާއި ބޭނުން ކުރުން މަނާކުރާ ގޮތަށް އެކްސްޕޯޓް އިމްޕޯޓްގެ ގާނޫނަށް ރައްޔިތުންގެ މަޖިލީހުން ގެނައި އިސްލާހު ރައީސް އިބްރާހިމް މުހައްމަދު ސޯލިހު ތަސްދީގު ކުރެއްވުމާއެކު މި ގާނޫނަށް އަންނަ އަހަރު ފެށުމާއެކު އަމަލު ކުރަން ފަށާނެއެވެ.

ޖެނުއަރީ މަހުން ފެށިގެން އެފަދަ ހުރިހާ ޕްލާސްޓިކެއް އެތެރެ ކުރުން ފުރަތަމަ މަނާ ކުރި ނަމަވެސް، ކޮވިޑް-19 އާ ގުޅިގެން ވިޔަފާރިތަކަށް ކުރި އަސަރުތަކާ ގުޅިގެން ފަހުން ވަނީ މި އިސްލާހަށް ބަދަލު ގެނެސް، އެކި މަރުހަލާތަކަށް ބަހާލައިގެން އެކި މުއްދަތުތަކުގައި ސިންގަލް-ޔޫސް ޕްލާސްޓިކް މަނާ ކުރުމުގެ ފުރުސަތު ދިނުން ފާސްކޮށްފައެވެ.

އެގޮތުން ޖޫން މަހުން ފެށިގެން މަނާވާ 12 ވައްތަރެއްގެ ޕްލާސްޓިކް މިހާރު ވަނީ އާންމުކޮށްފައެވެ.

ޖޫން 2021 އިން ފެށިގެން މަނާވާ ޕްލާސްޓިކް