2020 ގައި ލަވަފޮށިން އެންމެ ގިނަ ބަޔަކު އަޑުއެހި ފަންނާނުންނަކީ މިއީ

ދިވެހި ލަވަތައް އަޑުއެހުމަށް ލޯބިކުރާ ފަރާތްތަކުން ބޭނުން ކުރަމުންދާ، މަޝްހޫރު އޮންލައިން އެޕްލިކޭޝަން "ލަވަފޮށިން" 2020 ވަނަ އަހަރު، އެންމެ ގިނަ ބަޔަކު ލަވަ އަޑުއެހި ފަންނާނުންގެ ލިސްޓު އާއްމުކޮށްފިއެވެ.

ކޮންމެ އާ އަހަރެއް ފެށުމުން، އޭގެ ކުރީ އަހަރު އެންމެ ގިނަ ބަޔަކު އަޑު އަހާފައިވާ ފަންނާނުންގެ ލިސްޓު ލަވަފޮށިން އާއްމުކުރެއެވެ.

އެގޮތުން 2020 ވަނަ އަހަރަށް ބަލާއިރު، ފަޚުރުވެރި އެއްވަނައެއް ހޯދާފައި މިވަނީ ސިމްބޮލިކް ރިކޯޑްސް ގެ ރަންއަޑުގެ ވެރިޔާ ޓޯއީ އެވެ. އޭނާގެ ލަވަތައް މ919،916 ފަހަރު އަޑު އަހާފައިވެއެވެ.

ލިސްޓުގެ ދެވަނަައިގައި އުޅެނީ، އެފަދަ ދެވަނައެއް ނުވާ، އޭނާ ލަވަކިޔުން ހުއްޓާލި ފަހުން އެތައް އަހަރެއް ވެފައިވާ ނަމަވެސް އެއަޑުގެ ޖާދުލުގައި އަދިވެސް އެތައް ބަޔަކު ޖެހިފައިވާ އަލީ ރަމީޒެވެ. އޭނާގެ ލަވަތައް 792،608 ފަހަރު އަޑު އަހާފައި ވެއެވެ.

މިލިސްޓުން ތިންވަނަ ހޯދާފައި ވަނީ 2019 ވަނަ އަހަރު ލަވަފޮށިން އެއްވަނަ ހޯދި މާޓު އެވެ. އޭނާގެ ލަވަތައް އެހުންތެރިން 497،524 ފަހަރު އަޑުއަހާފައިވެއެވެ.

ލަވަފޮށިން ވަނަވަނަ ހޯދާފައިވާ އެހެން ފަރާތްތައް:

4- ޕެސްޓު : 359،005 ފަހަރު

5- އުމަރު ޒާހިރު : 318،017 ފަހަރު

6- ތުއްތު ޕާކް : 237،740 ފަހަރު

7- ޓްރޯ : 193،692 ފަހަރު

8- ރައިޑޭ : 183،570 ފަހަރު

9- ބްލޫބެރީ ވޮޓާސް : 162،172 ފަހަރު

10- މުޚްތާރް : 130،546 ފަހަރު

ސްޓްރީމް ކޮށްގެން ލަވަ އަޑުއެހޭ ލަވަފޮށްޓަކީ ދިވެހި ލަވަތަކަށް ލޯބިކުރާ ފަރާތްތަކަށް، އެމީހަކު އެންމެ ބޭނުން ފަންނާނެއްގެ ލަވަތައް ފަސޭހަކަމާއެކު އަޑުއަހާލެވޭ ގޮތަށް ފަރުމާ ކޮށްފައިވާ އެޕްލިކޭޝަނެކެވެ.