ފުލުހުންގެ ޓީމެއް މާޅޮހުގައި

އއ. މާޅޮހު ގެއެއްގައި ނިދާފައި އޮއްވައި ޒަހަމްތަކަކާއެކު ފެނުނު އަބްދުއްރަހްމާން އާދަމް (65އ) މަރުގެ ތަހުގީގަށް ފުލުހުންގެ ޓީމެއް އެ ރަށަށް ގޮސްފި އެވެ.

މާޅޮހު ސިއްހީ މަރުކަޒުގައި ފަރުވާދެމުން ދަނިކޮށް އަބްދުއްރަހުމާނު މަރުވީ ރޭ ފަތިހު އެވެ. އެ ރަށު ބައެއް މީހުން ކިޔަދިން ގޮތުގައި އަބްދުއްރަހުމާނުގެ ބޮލަށް ހަމަލާދިނުމުގެ ސަބަބުން ބޮލުގެ ބޮޑުބައި ވަނީ ޗިސްވެފަ އެވެ.

ފުލުހުންގެ މީޑިއާ އޮފިޝަލް ވިދާޅުވީ ފުލުހުންގެ ޓީމު އެ ރަށުގައި ހަރަކާތްތެރިވަމުންދާއރު ރަށަށް އަރައިފައިބާ މީހުން މޮނިޓާކުރަމުންދާނެ ކަމަށެވެ.

އަބްދުއްރަހުމާނުގެ މަރުގެ މައްސަލާގައި އަދި މިހާތަނަށް މީހަކު ހައްޔަރުކޮށްފައެއް ނުވެ އެވެ.