ލޯބިވާ އަނބިމީހާ ހިނިތުން ކުރުވުމަށްޓަކައި...!

ގައުމު ތަހުޒީބު ވަނީ އާއިލާތައް ހަރުދަނާވީ މިންވަރަކުންނެވެ. ހަރުދަނާ އާއިލާއެއް ބިނާ ކުރުމަށްޓަކައި ހާސްކަމާއި ހިތްދަތިކަމުން ދުރުގައިވާ އުފާވެރި ވެއްޓެއް ދެމަފިރިންގެ މެދުގައި ބިނާ ކުރަން ޖެހޭނެއެވެ. މިގޮތުގެ މަތީން ތިބާގެ ހަޔާތުގެ ބައިވެރިޔާ، ލޯބިވާ އަނބީމީހާ އުފާވެރިކަން މަތީ ބެހެއްޓުމަށް ޓަކައި އަންނަނިވި ނުކުތާތަކަށް ފަރުވާތެރިކަން ބަހައްޓާށެވެ.

Ads by Hajj Corporation

ފިރިމީހާ ދަތުރެއް ދާނަމަ:

• އަނބިމީހާއަށް ރަނގަޅު ނަސޭޙަތް ދޭށެވެ. އަދި މާތްކަލާނގެ އިރާދަފުޅާއެކު ވީހާ އަވަހަކަށް އެނބުރި އަންނާނެ ކަމަށް ބުނާށެވެ.
• އަނބިމީހާ ގާތުގައި ހެޔޮ ދުޢާ ކޮށްދިނުމަށް އެދޭށެވެ.
• އާއިލާ މީހުން ގާތުގައި އަނބިމީހާ ބެލުމަށާއި އޭނާގެ ބޭނުންތައް ހަމަޖައްސައިދިނުމަށް ބުނާށެވެ.
• ދަތުރުން އެނބުރި އަންނަންދެން ޚަރަދު ކުރެވޭނެހާ ފައިސާ އޭނާގެ އަތަށް ދޭށެވެ.
• ކިތަންމެ ދުރުގައި ހުރި ނަމަވެސް ވީވަރަކުން އަނބިމީހާގެ ހާލު ބަލާ އޭނާގެ ކަންތައްތައް އޮޅުން ފިލުވާށެވެ.
• އާދެވުން އެންމެ އަވަހަކަށް އެނބުރި އަނބިމިހާ ގާތަށް އަންނާށެވެ.
• އެނބުރި އަންނައިރު ކޮންމެވެސް ވަރެއްގެ ހަދިޔާއެއް އޭނާއަށް ގެނެސްދޭށެވެ.
• ރަނގަޅު ގަޑިއެއްގައި ގެއަށް އަންނާށެވެ. މިސާލަކަށް ހަވީރު ކަހަލަ ވަގުތެކެވެ. މެންދަމު ކަހަލަ ވަގުތެއްގައި ގެއަށް އައުމުން އަނބިމީހާއަށް އުނދަގޫ ވެދާނެއެވެ.
• ދަތުރުދާއިރު އަނބިމީހާ ގެންދެވެން އޮތިއްޔާ ގެންދާށެވެ.

މާލީ އެހީ:

• ދީލަތި މީހަކަށް ވާށެވެ. އަނބިމީހާއަށާއި ގެއަށް ކޮންމެހެން ގަންނަންޖެހޭ އެއްޗެހި ގަތުމަށް ފައިސާ އަތުގައި ހުރި ނަމަ ޚަރަދު ކުރަން ފަސް ނުޖެހޭށެވެ.
• އަނބިމީހާ ކޮންމެހެން ބޭނުން ކުރަން ޖެހޭ އެއްޗަކަށް އެދުމުގެ ކުރިން އެ އެއްޗެއް އޭނާއަށް ހޯދައިދެވޭތޯ މަސައްކަތް ކުރާށެވެ.
• އަނބިމީހާއަށާއި ދަރީންނަށް ޚަރަދު ކުރުމަކީ ފިރިމީހާގެ މައްޗަށް ވާޖިބެކެވެ. އަދި އެއީ އެހާމެ ގިނަގުނަ ދަރުމައާއި ސަވާބު ހުރި ކަމެކެވެ.

މީރު ވަސްދުވާ ތަކެތި ބޭނުން ކުރުމާއި ސާފުތާހިރުވުން:

• ކިހިކިފަތް ދޮށާއި ލަދުވެތި ގުނަވަންތަކުގައި ފަޅާ އިސްތަށި ބާލާށެވެ.
• އަބަދުވެސް ދަތް އުނގުޅައި ސާފު ތާހިރުވެ ހުންނާށެވެ.
• އަނބިމީހާ ގާތު އަހައި އޮޅުން ފިލުވައިގެން އޭނާއަށް މީރު ވަސްދުވާ ސެންޓެއް ނޫނީ އަތަރެއް ބޭނުން ކުރާށެވެ.

އެއްދާން ކުރުން:

• ގަވާއިދުން އަނބިމީހާއާ އެއްދާން ކުރުމަކީ ފިރިމީހާގެ މައްޗަށްވާ އަނބިމީހާގެ ޙައްޤެއްކަން ދަންނާށެވެ.
• އެއްދާން ކުރުމުގެ ކުރިން ކިޔަން ވާރިދުވެފައިވާ ދުޢާ ކިޔާށެވެ. އެ ދުޢާ އަކީ:بِسْمِ اللهِ اللَّهُمَّ جَنِّبْنَا الشَّيْطَانَ ، وَجَنِّبِ الشَّيْطَانَ مَا رَزَقْـتَنَا މާނައަކީ ، ﷲގެ އިސްމުފުޅުން ފަށައިގަންނަމެވެ. އޭ ހައްދަވައި ބޮޑު ކުރެއްވި އިލާހު!އަޅަމެންނާއި ޝައިތާނާ ދުރު ކުރައްވާފާންދޭވެ. އަދި އަޅަމެންނަށް އިނބަ ރަސްކަލާނގެ ރިޒުޤު ކުރައްވާ ދަރިފުޅާ ވެސް ޝައިތާނާ ދުރު ކުރައްވާފާންދޭވެ.
• ކޮންމެ ގޮތަކަށް ތިބެގެން ކަމުގައި ވީ ނަމަވެސް އަނބިމީހާގެ ކުރިމަތި ފަރާތް ނޫން ތަނަކަށް ޖިމާޢު ނުވާށެވެ. ޖިމާޢު ވުމުގައި ފުރަގަސް ފަރާތް ބޭނުން ކުރުމަކީ ބޮޑު ވެގެންވާ ޙަރާމް ކަމެކެވެ.
• އެއްދާން ކުރުމުގެ އޭނާ ލޯބިވާ ބަސްތަކުންނާއި ޙަރަކާތްތަކުން އޭނާގެ ހިތް އުފާ ކޮށްދޭށެވެ.
• ދެމީހުންގެ މެދުގައި ވާހަކަ ދައްކައި މަޝްވަރާކޮށް ދެމީހުންނަށް ވެސް އެންމެ ކަމުދާ ވަގުތެއްގައި އެއްދާން ކުރާށެވެ.

ސިއްރުތަކަށް ރައްކާތެރިވުން:

• އަނބިމީހާ ދައްކާ ވާހަކަތަކާއި ކޮޓަރިތެރޭގެ ސިއްރުތަކާމެދު ރައްކާތެރި ވާށެވެ.

ނުނިމޭ.

މަސްދަރު: އަޙުމަދު އަސްލަމްގެ މަޒުމޫނު