ހޮންގުކޮންގުގެ ރައްޔިތުންނަށް އިނގިރޭސި ރަށްވެހިކަން ލިބޭ ވީޒާއެއް
ހޮންގުކޮންގުގެ ރައްޔިތުންނަށް އިނގިރޭސިވިލާތުގެ ރަށްވެހިންނަށްވުމުގެ ފުރުޞަތުދޭ އައު ވީޒާއެއް އިނގިރޭސިވިލާތުން ތަޢާރަފު ކޮށްފިއެވެ.
އިނގިރޭސިވިލާތުގެ ސަރުކާރުން ބުނީ މި ފުރުސަތުގެ ދަށުން ހޮންގުކޮންގުގެ 300000 އަށްވުރެ ގިނަ މީހުންނާއި އެމީހުންގެ ޢާއިލާ އިނގިރޭސިވިލާތަށް ބަދަލުވާނެކަމަށް ބެލެވޭ ކަމަށެވެ. ހޮންގުކޮންގުގެ ރައްޔިތުންނަށް އިނގިރޭސިވިލާތުގެ ރަށްވެހިންނަށް ވުމުގެ ފުރުޞަތުދޭ އައު ވީޒާ ތަޢާރަފު ކޮށްފައި ވަނީ މިދިޔަ އަހަރުގެ ތެރޭގައެވެ.
އެ ވިޒާގެ ސަބަބުން ބީއެންއޯ ސްޓޭޓަސް އޮތް ހޮންގުކޮންގުގެ ރައްޔިތުން ފަސް އަހަރު ވަންދެން އިނގިރޭސިވިލާތުގައި ދިރިއުޅުމުގެ ފުރުސަތު ލިބިގެންދާނެއެވެ. އަދި މަސައްކަތްކޮށް ތަޢުލީމު ހާޞިލްކުރުމުގެ ފުރުޞަތު ލިބޭނެއެވެ. ފަސް އަހަރު ހަމަވުމުން ރަށްވެހިންނަށް ވުމަށް އެ ފަރާތްތަކަށް އެދެވޭނެއެވެ.
އަލަށް ތަޢާރަފްކުރި ވިސާއަށް ބޮޑު ތަރުހީބެއް ލިބޭނެކަމަށް އެ ގައުމުން ބުނެއެވެ. މި ވިޒާއަށް އޮންލައިންކޮށް ހުށަހުޅުމުގެ ފުރުސަތު ވަނީ ހުޅުވާލާފައެެވެ. ދުވަހެއް ދުވަހަކަށް ވިޒާއަށް އެދޭފަރާތްތައް ގިނަވަމުން ދާކަމަށް ސަރުކާރުން ބުނެފައިވެއެވެ. މީގެ ތެރޭގައި ގިނައީ ސްކޫލުގައި ކިޔަވާ ދަރިވަރުންގެ އާއިލާތައް ކަމަށް ބޭރުގެ ޚަބަރު ތަކުން ބުނެއެވެ.
