ކޮޅުފުށިން އިތުރު 7 މީހަކު ފައްސިވެ، ޖުމްލަ އަދަދު 33 އަށް

މޮނިޓަރިންގެ ހާލަތުގައި އޮތް މ.ކޮޅުފުށިން އިތުރު 7 މީހަކު ކޮވިޑް-19 އަށް ފައްސިވެއްޖެއެވެ.

Ads by Sosun Fihaara

މިއަދު ފައްސިވި 7 މީހުންނާއެކު އެރަށުން މި ބަލި ޖެހުނު މީހުންގެ އަދަދު ވަނީ ޖުމްލަ 33 އަށް އަރާފައެވެ.

ފައްސިވި މީހުންގެ ތެރޭގައި ހައި ރިސްކު ކެޓަގަރީގެ 10 މީހަކު ވެސް ހިމެނޭއިރު، އުމުރުން 4 އަހަރުން ދަށް 3 ކުޑަ ކުއްޖަކަށް ވެސް ވަނީ ބަލި ޖެހިފައެވެ.

ކޮޅުފުށީގައި ޗުއްޓީ ހޭދަ ކޮށްފައި މާލެ އަނބުރާ އައި މީހަކު ކޮވިޑް 19 އަށް ފައްސިވުމާ ގުޅިގެން އެ ރަށް މޮނިޓަރިންގެ ހާލަތަށް ގެނެސްފައި ވަނީ މަހުގެ 24 ވަނަ ދުވަހުގައެވެ.

އަދި ޖެނުއަރީ ފަހެއްގެ ފަހުން މ. ކޮޅުފުށިން އެހެން ރަށަކަށް ދަތުރުކުރި މީހުން ހޯދުމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ވަނީ އިއުލާނު ވެސް ކޮށްފައެވެ.