އެހެން ޤައުމުތަކުން ކްރިސްމަސް އަށާއި އާއަހަރަށް ބޯޑަރުތައް ބަންދު ކުރިއިރު، ރާއްޖޭގައި އުޅުނީ ބޯޑަރުތައް ތަންމިނަށް ހުޅުވައިގެން: ޒަމްޒަމް ފާރިޝް
އެހެން ޤައުމުތަކުން ކްރިސްމަސް އަށާއި އާއަހަރަށް ބޯޑަރުތައް ބަންދު ކުރިއިރު، މިރާއްޖޭގައި އުޅުނީ ބޯޑަރުތައް ތަންމިނަށް ހުޅުވައިގެން ކަމަށް ދީނީ ޢިލްމުވެރިޔާ ޝެއިޚް ޒަމްޒަމް ފާރިޝް ވިދާޅުވެއްޖެއެވެ.
ޒަމްޒަމް ފާރިޝް މިރޭ ކުރެއްވި ޓްވީޓެއްގައި ވިދާޅުވެފައިވަނީ ރާއްޖެއަށް އެންމެ ފުރަތަމަ ކޮރޯނާ ވައިރަސް އައީ ފަތުރުވެރިކަމުގެ ދާއިރާ ތެރެއިން ކަމަށެވެ.
"އޭގެ ފަހުން އާ ވޭރިއަންޓް އައީ ކަމަށް ވެސް އެބުނަނީ ހަމަ އެމަގުން. އަނެއްކާ ޔޫރަޕުން އައި ބަޔަކު ޕާޓީ ކުރަން ގޮސް އުޅުމުގެ ތެރެއިން ކްލަސްޓާއެއް އުފެދުނު ކަމަށް އެބުނަނީ. އެހެން ޤައުމުތަކުން ކްރިސްމަސް އާއި ނިއު އިޔަރ އަށް ބޯޑަރު ބަންދުކޮށް ހެދިއިރު، މިރާއްޖޭގައި ޕާޓީ ކުރާ މީހުން އުޅުނީ ބޯޑަރު ތަންމިނަށް ހުޅުވާ، ރިސޯޓު އޮފަރސް އިންތިހާއަށް އަގުހެޔޮކޮށް، ގެސްޓްހައުސްތައް ފުރާލެވޭތޯ. ޖީބަށް ޑޮލަރު ވެެއްދޭތޯ. ސިނަމާ ހުޅުވޭތޯ. ކުޅިވަރު މުބާރާތް ބޭއްވޭތޯ" ޝެއިޚް ޒަމްޒަމް ފާރިޝް ވިދާޅުވިއެވެ.
ޒަމްޒަމް މިފަދައިން ވިދާޅުވިއިރު ރާއްޖެއިން ވެސް ކޮވިޑްގެ އާ ވޭރިއެންޓް ފެނި ހަލުވިކަމާއެކު ބަލި ފެތުރެމުން އެބަދެއެވެ. މިއާއެކު އެޗްޕީއޭއިން ވަނީ ރައްކާތެރިކަމުގެ ފިޔަވަޅުތައް ވަރުގަދަ ކޮށްފައެވެ.
ތިހެން ނުކިޔާ ފަރުދީ ޒިންމާ ފަރުދީ ޒިންމާއޭ ކިޔާ. މިއޮތީވާ ސަރުކާރެއް.